ఆ పేరు కృష్ణంరాజుకు కలిసిరాలేదా.. వరుసగా సినిమాలు ఫ్లాప్ కావడంతో?

ప్రముఖ నటుడు కృష్ణంరాజు మరణ వార్త రాజకీయ, సినీ ప్రముఖులతో పాటు సాధారణ ప్రేక్షకులను సైతం షాక్ కు గురి చేసిన సంగతి తెలిసిందే.

గతంలో ఒక ఇంటర్వ్యూలో కృష్ణంరాజు మాట్లాడుతూ తన జీవితానికి సంబంధించిన ఆసక్తికర విషయాలను వెల్లడించారు.

తనకు శివుడు అంటే చాలా ఇష్టమని నా పూర్తి పేరు శ్రీ ఉప్పలపాటి వెంకట కృష్ణంరాజు అని ఆయన చెప్పుకొచ్చారు.అయితే మూవీ ఆర్టిస్ట్ అసోసియేషన్ లో మాత్రం కృష్ణంరాజు అని రిజిస్ట్రేషన్ చేయించానని ఆయన తెలిపారు.

అలా పేరు రిజిస్ట్రేషన్ చేయించిన తర్వాత కొన్నిరోజుల పాటు ఏ పని చేసినా నాకు కలిసిరాలేదని సినిమాలు కూడా ఫ్లాప్ అయ్యాయని ఆయన అన్నారు.ఆ సమయంలో మా ఊళ్లో ఒక వ్యక్తి నేను చేసిన తప్పును వివరించి చెప్పారని ఆయన చెప్పుకొచ్చారు.

మీ కుల దైవం వేంకటేశ్వర స్వామి అని నీ పేరులో ముందున్న వెంకట తీసేశావని అందువల్లే నీకు సమస్యలు వస్తున్నాయని చెప్పారని కృష్ణంరాజు కామెంట్లు చేశారు.