అస్థిపంజరంలాంటి వింత జీవి.. ఫొటోలు చూస్తే నిద్ర పట్టదు.. బ్రిటన్‌లో హాట్ టాపిక్?

ఇంగ్లాండ్‌లోని ఓ బీచ్‌లో వింత ఆకారం కనిపించి అందరినీ షాక్‌కి గురిచేసింది.

బ్రిటన్‌కు చెందిన పౌలా, డేవ్ రీగన్ అనే దంపతులు మార్చి 10న మార్గేట్, కెంట్ తీరంలో అలా నడుచుకుంటూ వెళ్తుండగా ఈ వింత దృశ్యం కనిపించింది.

వాళ్లకి సముద్రపు ఒడ్డున ఇసుకలో సగం కూరుకుపోయి, నాచు మధ్యలో ఒక వింత ఆకారం కనిపించింది.చూడటానికి అది అచ్చం అస్థిపంజరంలా ఉంది.

చేప తోక, గ్రహాంతర జీవిలా తల ఉండటంతో అది నిజంగానే వింతగా అనిపించింది.మొదట అది ఏదో కొయ్య ముక్కో లేకపోతే చనిపోయిన సీలో అనుకున్నారట.

కానీ దగ్గరికి వెళ్లి చూస్తే దాని తోక చేపలా ఉండటం చూసి ఆశ్చర్యపోయారు."నా జీవితంలో ఇలాంటి వింతైన వస్తువుని ఎప్పుడూ చూడలేదు.

అది నిజంగా చాలా విచిత్రంగా ఉంది" అని పౌలా చెప్పింది.దాని తల అస్థిపంజరంలా ఉంటే, తోక మాత్రం మెత్తగా, జారుడుగా లేకుండా వింతగా అనిపించిందట.

అది జిగురుగానో, కుళ్లినట్టుగానో లేదని, కానీ చాలా వింతగా ఉందని ఆమె చెప్పింది.