తల్లి అంత్యక్రియలకు డబ్బులు లేక బాలిక బిక్షాటన.. వీడియో చూస్తే కన్నీరాగదు..

నిర్మల్ జిల్లా, తానూర్ మండలం, బేల్ తరోడా గ్రామంలో ఓ బాధాకరమైన సంఘటన చోటు చేసుకుంది.

తన తల్లిదండ్రులిద్దరిని కోల్పోయిన 11 ఏళ్ల చిన్నారి ఒంటరిగా మిగిలిపోయింది.

దానికంటే ముందు ఆమెకు మరొక కష్టం వచ్చింది.తల్లి అంత్యక్రియలకు ఆమె వద్ద చిల్లిగవ్వ కూడా లేవు.

దాంతో మృతదేహం పక్కనే కూర్చుని భిక్షాటన చేసింది.తల్లి అంత్యక్రియలకు డబ్బు ఏర్పాటు చేసుకునే దయనీయ పరిస్థితి ఆ చిన్నారికి రావడం చూసి అందరూ కంటతడి పెట్టుకున్నారు.

సోషల్ మీడియాలో ఆ హృదయ విదారకమైన దృశ్యాలు చూపించే ఓ వీడియోలో వైరల్ గా మారింది.చిన్నారి భిక్షాటన చేస్తున్న దృశ్యాలు అందర్నీ తీవ్ర బాధకు గురి చేస్తున్నాయి.

వివరాల్లోకి వెళితే, కొన్ని రోజుల క్రితం, దుర్గ( Durga ) అనే చిన్నారి తండ్రి అనారోగ్యంతో మరణించాడు.తల్లి గంగామణి ( Gangamani )తీవ్ర మనస్థాపానికి గురైంది.

కానీ కూతురు కోసం బతికి వచ్చింది.అయితే సంపాదించే వ్యక్తి చనిపోవడంతో తల్లిపై చాలా ఆర్థిక భారం పడింది.

ఈ సమస్యలను తట్టుకోలేక గంగామణి ఆత్మహత్య చేసుకుంది.తన ఏకైక ఆధారమైన తల్లిని కోల్పోయిన దుర్గ గుండె పగిలింది.

తల్లి చనిపోయిన తర్వాత దుర్గ ఒంటరిగా మిగిలిపోయింది.సాయం చేయడానికి బంధువులు లేకపోవడంతో తల్లి మృతదేహం పక్కన కూర్చుని ఎంతో దీనంగా ఏడ్చింది.

తల్లి అంత్యక్రియలు( Mothers Funeral ) ఎలా చేయాలో, డబ్బు ఎక్కడ దొరుకుతుందో తెలియక, చుట్టుపక్కల వచ్చిన వారిని బిక్షాటన చేయడం మొదలుపెట్టింది.