Pawan Kalyan : సీట్లు ‘ లెక్క ‘ కాదు .. పవన్ డిసైడ్ అయిపోయినట్టే ?

టిడిపి, జనసేన పార్టీ ల మధ్య సీట్ల  సర్దుబాటు వ్యవహారం దాదాపు ఒక కొలిక్కి వచ్చింది.

అధికార పార్టీ వైసిపి ఇప్పటికే ఆరు విడతలుగా అభ్యర్థుల జాబితాను ప్రకటించిన నేపథ్యంలో, టిడిపి, జనసేన పార్టీల తరఫున అభ్యర్థులను ప్రకటించేందుకు సిద్ధమైపోయాయి.

పొత్తులో భాగంగా ఈ రెండు పార్టీలు ఎక్కడెక్కడ నుంచి పోటీ చేయాలనే విషయంలో ఒక క్లారిటీకి వచ్చారు.ముఖ్యంగా జనసేనకు కేటాయించబోయే సీట్ల విషయంపై అటు టిడిపి అధినేత చంద్రబాబు, జనసేన అధినేత పవన్ కళ్యాణ్( Pawan Kalyan ) నిన్ననే చర్చించుకున్నారు.

ఈ సర్దుబాటు వ్యవహారం ఒక కొలిక్కి వచ్చింది.జనసేన ఆశించిన స్థాయిలో కాకుండా, తక్కువ సీట్లు ఇచ్చేందుకు చంద్రబాబు పవన్ ను ఒప్పించినట్టుగా కనిపిస్తున్నారు.

చంద్రబాబు తో భేటీ అయిన తరువాత ఈ విషయంపై పవన్ కళ్యాణ్ స్పందించారు.మచిలీపట్నం సిట్టింగ్ ఎంపీ బాలసౌరి( Balashowry ), ఆయన కుమారుడు పార్టీలో చేరిన సందర్భంగా పొత్తుల అంశంపై పవన్ మాట్లాడారు.