క్యూ ఆర్ కోడ్‌ను స్కాన్ చేసి పేమెంట్లు.. ఇవి పాటించకుంటే అంతే!

ఇటీవల కాలంలో అంతా క్యూఆర్ కోడ్ ద్వారా డిజిటల్ పేమెంట్లు చేసేందుకు అలవాటు పడిపోయారు.కోవిడ్ వల్ల ఈ అలవాటు మరింత పెరిగింది.

అయితే సైబర్ నేరగాళ్లు కూడా తమ మేధస్సును వివిధ రూపాల్లో డబ్బులు కాజేసేందుకు ఉపయోగిస్తున్నారు.ఇటువంటి సమయంలో క్యూ ఆర్ కోడ్ పేమెంట్లు చేసే వారిని టెక్ నిపుణులు హెచ్చరిస్తున్నారు.

సైబర్ మోసాల బారిన పడకుండా పాటించాల్సిన జాగ్రత్తలను సూచిస్తున్నారు.టిక్కెట్లు, ఫోన్ నంబర్లు, ఇమెయిల్ చిరునామాలు, నగదు బదిలీలతో సహా ఎంతో సమాచారం తెలుసుకోవడానికి సైబర్ నేరగాళ్లు కొత్త కొత్త విధానాలను పాటిస్తున్నారు.

క్యూఆర్ కోడ్‌ల వాడకం పెరగడంతో, సైబర్ మోసగాళ్ళు ఇప్పుడు ప్రజలను మోసగించడానికి క్యూఆర్ కోడ్‌లను ఉపయోగిస్తున్నారు.ఇటీవల అమెరికా ఫెడరల్ బ్యూరో ఆఫ్ ఇన్వెస్టిగేషన్ (FBI) ప్రజలను మోసం చేయడానికి సైబర్ నేరగాళ్లు QR కోడ్‌లను ఎలా ఉపయోగిస్తారనే దాని గురించి ప్రజలకు హెచ్చరికను జారీ చేసింది.

మీరు ఏదైనా QR కోడ్‌ని ఒకసారి స్కాన్ చేసినప్పుడు, దాని URLని తనిఖీ చేయాలి.ఒక నకిలీ లేదా హానికరమైన URL అక్షర దోషాలతో కూడి ఉంటుంది.

చిన్నగా ఉండే URL వినియోగదారులకు వెబ్‌సైట్ పేరును చూపదు.అంతేకాకుండా మీకు లాటరీ తగిలిందనో, భారీ ఆఫర్ వచ్చిందనో చెప్పే మోసపూరిత ప్రకటనలను నమ్మ కూడదు.దాంతో పాటు మీరు సైబర్ మోసానికి గురైనట్లు భావిస్తే వెంటనే cybercrime.gov.in/uploadmedia/MHA-CitizenManualReportOtherCyberCrime-v10.pdf వెబ్‌సైట్‌లో ఫిర్యాదు చేయాలి.లేకుండా 1930 హెల్ప్ లైన్ నంబరుకు ఫోన్ చేసి మీ ఫిర్యాదును తెలియజేయొచ్చు.