యూకే యూనివర్సిటీలలో శాలరీలు ఇంత తక్కువా.. ఎన్నారై ప్రొఫెసర్ ఆవేదన!

బ్రిటన్‌లోని యూనివర్సిటీలలో (universities in Britain)పనిచేసే అధ్యాపకుల పరిస్థితి దయనీయంగా మారింది.

తక్కువ జీతాలతో విలవిలలాడుతున్న అధ్యాపకులు, మెరుగైన అవకాశాల కోసం ఇతర దేశాలకు వలస పోతున్నారు.

ఈ విషయాన్ని భారత సంతతికి చెందిన ప్రొఫెసర్ అనంత సుదర్శన్(Anantha Sudarshan) తీవ్రంగా ఖండించారు.తక్కువ జీతాల కారణంగా బ్రిటన్ విద్యా రంగం (Britains education sector)తీవ్రంగా నష్టపోతోందని ఆయన ఆవేదన వ్యక్తం చేశారు.

ముఖ్యంగా కాంట్రాక్టు పద్ధతిలో పనిచేసే అధ్యాపకులకు ఇస్తున్న జీతాలు చూస్తే నవ్వొస్తుందని అన్నారు.అంత తక్కువ జీతాలతో ఎలా బతకగలరని ఆయన ప్రశ్నిస్తున్నారు.

వార్విక్ యూనివర్సిటీలో ఎకనామిక్స్ అసోసియేట్ ప్రొఫెసర్‌గా పనిచేస్తున్న సుదర్శన్(Sudarshan), ఈ విషయాన్ని ఎక్స్‌ వేదికగా పంచుకున్నారు."బ్రిటన్‌లో విద్యావేత్తల జీతాలు అంతర్జాతీయ స్థాయి పోటీకి ఏమాత్రం సరిపోవు.

దీని కారణంగా భారతీయ విశ్వవిద్యాలయాలకు ఇక్కడి అధ్యాపకులు క్యూ కడుతున్నారు" అని ఆయన అన్నారు."బ్రిటన్ ప్రభుత్వం హై-పొటెన్షియల్ ఇండివిడ్యువల్ వీసా(High-Potential Individual Visa) అంటూ గొప్పలు చెప్పుకుంటోంది.

కానీ, కనీసం మంచి జీతం కూడా ఇవ్వలేని ఈ ప్రభుత్వం, ప్రతిభావంతులను ఎలా ఆకర్షిస్తుంది?" అని సుదర్శన్ నిలదీశారు."భారతదేశంలోని ఒక ప్రభుత్వ యూనివర్సిటీ, బ్రిటన్ (Government University, Britain)కంటే కొంచెం ఎక్కువ జీతం ఇస్తుండటంతో, ఇక్కడి అధ్యాపకులు అక్కడికి వెళ్ళిపోతున్నారు" అని ఆయన వాపోయారు.

బ్రిటన్‌లోని విద్యా రంగం ప్రతిభావంతులను నిలుపుకోలేకపోవడానికి తక్కువ జీతాలే ప్రధాన కారణమని ఆయన కుండబద్దలు కొట్టారు.