అమెరికా అధ్యక్ష ఎన్నికలు .. ట్రంప్ రన్నింగ్‌‌మేట్‌గా ఉండను : తేల్చేసిన డిసాంటిస్

రిపబ్లికన్ ప్రైమరీ డిబేట్‌లకు దూరంగా వుండాలన్న ట్రంప్ నిర్ణయాన్ని విమర్శించిన రిపబ్లికన్ పార్టీ అభ్యర్ధుల్లో డిసాంటిస్ కూడా వున్నారు.నవంబర్‌లో డిసాంటిస్, కాలిఫోర్నియా గవర్నర్ గావిన్ న్యూసోమ్ మధ్య జరిగే చర్చల మాదిరిగానే ట్రంప్‌తోనూ చర్చలకు సవాల్ విసిరారు ఫ్లోరిడా గవర్నర్.గతవారం అనాహైమ్‌లో జరిగిన కాలిఫోర్నియా స్టేట్ రిపబ్లికన్ కన్వెన్షన్‌లో ట్రంప్, డిసాంటిస్‌లు ద్వంద్వ ప్రసంగాలు చేశారు.

అధ్యక్ష ఎన్నికల్లో రాష్ట్ర విలువను ఎత్తిచూపారు.మరోవైపు పోల్ నెంబర్స్, సర్వేల్లో వెనుకంజలో వున్నట్లు తేలడంతో డిసాంటిస్ .డోనర్స్, ఓటర్ల నుంచి మరింత మద్ధతును కూడగట్టాలని భావిస్తున్నారు.రియల్ క్లియర్ పాలిటిక్స్‌ చేసిన సర్వేలో జీవోపీ ప్రైమరీ రేసులో ట్రంప్ కంటే దాదాపు 44 శాతం పాయింట్ల మేర వెనుకబడి వున్నారు డిసాంటిస్.

ఈ నేపథ్యంలో తన ప్రారంభ ప్రైమరీ స్టేట్ అయోవాపై ఆయన ఫోకస్ పెట్టారు.