Actress Anjali Anand: తిండిబోతు క్యారెక్టర్లు మాత్రమే ఇచ్చేవారు.. దారుణంగా అవమానించారు: నటి

అలియా భట్, రణ్‌వీర్ కపూర్ జంటగా నటించిన తాజా చిత్రం రాకీ ఔర్ రాణి కి ప్రేమ్ కహానీ.

( Rocky Aur Rani Ki Prem Kahani ) ఈ మూవీ ఇటీవలే థియేటర్ లో విడుదల అయ్యి మంచి విజయం సాధించిన విషయం తెలిసిందే.

ప్రస్తుతం బాక్స్ ఆఫీస్ వద్ద కలెక్షన్స్ ల వర్షం కురిపిస్తూ దూసుకుపోతోంది.విడుదల అయినా ఎనిమిది రోజుల్లోనే రూ.80 కోట్లకు పైగా వసూళ్లు సాధించింది.కాగా ఈ మూవీకు బాలీవుడ్ దర్శకుడు కరణ్ జోహార్( Karan Johar ) తెరకెక్కించారు.

అయితే ఈ చిత్రంలో రణ్‌వీర్‌ సింగ్ సోదరిగా తనదైన నటనతో అందరినీ ఆకర్షించింది బుల్లితెర నటి అంజలి ఆనంద్.( Actress Anjali Anand ) రణవీర్ సింగ్ సోదరిగా గాయత్రీ రంధవా పాత్రలో కనిపించింది.

ఇది ఇలా ఉంటే ఇటీవల ఒక ఇంటర్వ్యూలో పాల్గొన్న ఆమె పలు ఆసక్తికర విషయాలను వెల్లడించింది.ఈ సందర్భంగా మాట్లాడుతూ.తాను కూడా బాడీ షేమింగ్‌కు( Body Shaming ) గురైనట్లు ఆమె తెలిపింది.

బాలీవుడ్‌లో కెరీర్ ప్రారంభంలో యాక్టింగ్ స్కూల్‌లో చేరినప్పుడు తనను శరీర బరువును కించపరిచే విధంగా కొందరు మాట్లాడారని ఆమె తెలిపింది.తనకు సినిమా ఛాన్స్‌లు రావనీ కేవలం బర్గర్లు తినే పాత్రలు, ఫ్రెండ్ క్యారెక్టర్స్ వస్తాయని ఎ‍ద్దేవా చేశారని వివరించింది.

తాను లావుగా ఉన్నందున కొందరు దారుణంగా కామెంట్స్, విమర్శలు చేశారని ఆమె చెప్పుకొచ్చింది.