రోజాకూ తాడేపల్లి పిలుపు ! జగన్ ఆ విషయం చెప్పేస్తున్నారా ?

వైసిపిలో కీలక నాయకురాలిగా ఉన్న నగరి వైసిపి ఎమ్మెల్యే మంత్రి ఆర్కే రోజా( RK Roja )కు తాడేపల్లి నుంచి పిలుపు అందింది.

ప్రస్తుతం వైసీపీలో నియోజకవర్గ ఇన్చార్జిల మార్పు చేర్పుల వ్యవహారం జరుగుతోంది.

అనేక సర్వేలు, ఇంటెలిజెన్స్ నివేదికలకు అనుగుణంగా సిట్టింగ్ ఎమ్మెల్యేలను మార్చే పనిలో జగన్ నిమగ్నం అయ్యారు .ఎన్నికల సమయం దగ్గర పడుతున్న దృస్ట్యా  భారీ ప్రక్షాళనకు దిగారు.వైసిపి ప్రభుత్వం పై జనాల్లో సానుకూలత ఉన్నా , నియోజకవర్గాల్లో ఎమ్మెల్యేల వ్యవహారాల కారణంగా వారిపై జనాల్లో వ్యతిరేకత ఉంది అని,  అభ్యర్థులను మారిస్తే వైసిపి విజయానికి డొఖా ఉండదనే విషయాన్ని గుర్తించిన జగన్ , దానికి అనుగుణంగా ఈ భారీ ప్రక్షాళనకు తెర తీశారు.

ఇప్పటికే కొంతమంది సిట్టింగ్ ఎమ్మెల్యేలను మారుస్తున్నట్లుగా జగన్ ప్రకటించారు .ఇంకా అనేక మార్పు చేర్పులు చోటు చేసుకోబోతున్నాయి .