అన్నంత పని చేసిన వర్మ.. బాలయ్యపై మరీ ఎందుకు ఇంత కక్ష?

వివాదాల దర్శకుడు రామ్‌ గోపాల్‌ వర్మ ఎన్టీఆర్‌ చిత్రానికి పోటీ అన్నట్లుగానే తన లక్ష్మీస్‌ ఎన్టీఆర్‌ చిత్రాన్ని మొదలు పెట్టిన విషయం తెల్సిందే.

ఎన్టీఆర్‌ కథానాయకుడు విడుదల సమయంలో లక్ష్మీస్‌ ఎన్టీఆర్‌ చిత్రంతో హడావుడి చేసిన వర్మ తాజాగా ఎన్టీఆర్‌ మహానాయకుడు సినిమా విడుదల సమయంలో తన సినిమా థియేట్రికల్‌ ట్రైలర్‌ను విడుదల చేసేందుకు సిద్దం అయ్యాడు.

ఫిబ్రవరి 14న ప్రేమికుల రోజు కానుకగా ఎన్టీఆర్‌, లక్ష్మీ పార్వతిల ప్రేమను ట్రైలర్‌ రూపంలో తీసుకు వస్తానంటూ ప్రకటించిన వర్మ, ఎన్టీఆర్‌ మహానాయకుడు విడుదల కాబోతున్న ఫిబ్రవరి 22వ తారీకున థియేట్రికల్‌ ట్రైలర్‌ను విడుదల చేయబోతున్నాడు.