అంత హడావుడి చేసినా ఇంతేనా ..? రేవంత్ సేఫ్ జోన్ లో ఉన్నాడా..?

రేవంత్ ఇంటిపై జరిగిన దాడుల్లో ఏమి దొరికాయన్న విషయం అధికారంగా ఆదాయపు పన్ను శాఖ అధికారులు వెల్లడించలేదు.పెద్దమొత్తంలో ఆస్తులు దొరికితే.ఈ పాటికి.

రేవంత్ రెడ్డిని అరెస్ట్ చేయడంతో పాటు ఆ ఆస్తులకు సంబంధించిన వివరాలతో హడావుడి చేసి ఉండేవారు కానీ ఎలాంటి అధికారిక ప్రకటన రాలేదు.కానీ మీడియాలో మాత్రం అమెరికా, హాంకాంగ్, మలేషియా, సింగపూర్‌లలో అక్రమాస్తులంటూ హడావుడి చేశారు.

కానీ అసలు విషయం మాత్రం వేరే.రేవంత్ రెడ్డి ఇంట్లో ఒక్క రూపాయి కూడా అదనపు సొమ్ము దొరకలేదు.

రేవంత్ సమీప బంధువు కేఎల్ శ్రీధర్ రెడ్డి అనే వ్యక్తి ఇంట్లో రూ.కోటి నలభై లక్షలు మాత్రం స్వాధీనం చేసుకున్నారు.రేవంత్ ఇంట్లో రూ.కోటి డిపాజిట్లకు సంబంధించిన బ్యాంక్ డీటైల్స్‌ మాత్రం తెలుసుకున్నారు.రేవంత్ భార్య గీతకు సంబంధించిన బంగారు ఆభరణాలను లాకర్‌ను తెప్పించారు.

అయితే వాటికి సంబంధించిన రసీదులు వారు చూపించారట.