RC15 : ఆర్సీ15 అప్డేట్.. వాతావరణం దిల్ రాజు శంకర్ కి బాగానే కలిసొస్తోందిగా?

Madhura Vani

Sr Reporter

2023-03-21   11:12:39  IST

పాన్ ఇండియా స్టార్ రామ్ చరణ్ ప్రస్తుతం తమిళ స్టార్ డైరెక్టర్ శంకర్( Shankar ) దర్శకత్వంలో రూపొందుతున్న సినిమాలో నటిస్తున్న విషయం తెలిసిందే.

Ad

గత ఏడాది ఆర్ఆర్ఆర్ ప్రేక్షకులను పలకరించిన రామ్ చరణ్( Ram Charan ) ప్రస్తుతం తదుపరి సినిమా షూటింగ్లో భాగంగా బిజీ బిజీగా ఉన్నాడు.

కాగా ఆర్ఆర్ఆర్ సినిమాకు గాను ఆస్కార్ అవార్డుని అందుకోవడంతో రామ్ చరణ్ క్రేజ్ విపరీతంగా పెరిగిపోయింది.దీంతో ఇప్పటికే రామ్ చరణ్ శంకర్ దర్శకత్వంలో రూపొందించిన సినిమాపై భారీగా అంచనాలు నెలకొన్నాయి.

ఈ సినిమాకు టాలీవుడ్ స్టార్ ప్రొడ్యూసర్ దిల్ రాజు( Dil Raju ) నిర్మాతగా వ్యవహరిస్తున్న విషయం తెలిసిందే.

దిల్ రాజు కెరియర్ లోనే అత్యంత భారీ బడ్జెట్ తో ఈ సినిమాను రూపొందిస్తున్నారు.ఇందులో చెర్రీ సరసన కియార అద్వానీ( Kiara Advani ) హీరోయిన్‌గా నటిస్తుండగా, జ‌యరామ్‌, అంజ‌లి, సునీల్, శ్రీకాంత్‌, న‌వీన్ చంద్ర త‌దిత‌రులు కీలక పాత్రల్లో నటిస్తున్నారు.కాగా ఈ ఆర్సి15( RC15 ) సినిమాకు సంబంధించి తరచూ ఏదో ఒక వార్త సోషల్ మీడియాలో వినిపిస్తూనే ఉంది.

ఈ నేపథ్యంలోనే తాజాగా ఈ సినిమాకు సంబంధించి మరో ఆసక్తికర వార్త వైరల్ అవుతోంది.ప్రస్తుతం ఈ సినిమా షూటింగ్ హైదరాబాద్ శివారు ప్రాంతంలో జరుగుతోంది.భారీ ఖర్చు చేసి వేసిన ప్రత్యేకమైన సెట్ లో సాంగ్ షూట్ చేస్తున్నారు.

అయితే గత రెండు రోజులుగా భారీ వర్షాలు వచ్చినా కూడా ఈ సెట్ చెక్కుచెదరడం లేదట.