రూ.కోటి విరాళం ప్రకటించి వార్తల్లో నిలిచిన చరణ్.. మెగా ఫ్యామిలీ మొత్తం విరాళం ఎంతంటే?

సహాయం చేసే మంచి మనస్సు కొంతమందికి మాత్రమే ఉంటుంది.

టాలీవుడ్ ఇండస్ట్రీలో అలా సాయం చేసే మంచి మనస్సు ఉన్న కుటుంబాలలో మెగా ఫ్యామిలీ ముందువరసలో ఉంది.

టాలీవుడ్ స్టార్ హీరో రామ్ చరణ్ ( Ram Charan )దాతృత్వాన్ని చాటుకోవడం ద్వారా వార్తల్లో నిలిచారు.అటు ఏపీ, ఇటు తెలంగాణ వరద బాధితులకు చెరో 50 లక్షల రూపాయల చొప్పున సహాయం చేయడానికి ముందుకొచ్చారు.

తెలుగు రాష్ట్రాలకు రామ్ చరణ్ ఏకంగా కోటి రూపాయల విరాళం ప్రకటించడంపై ప్రశంసలు వ్యక్తమవుతున్నాయి.రామ్ చరణ్ విరాళం ప్రకటించడంతో పాటు చేసిన కామెంట్లు నెటిజన్లను ఆకట్టుకుంటున్నాయి.

వర్షాలు, వరదల వల్ల ఇబ్బందులు పడుతున్న తెలుగు రాష్ట్రాల ప్రజలకు మనం తోడుగా, అండగా ఉన్నామంటూ చేయూత అందించాల్సిన సమయం ఇదేనని చరణ్ తెలిపారు.