ఇంత అవినీతి నీకు కనిపించడం లేదా?

ఒక క్యారెక్టర్‌ ఆర్టిస్టు స్టార్‌ హీరో సినిమాలో ఛాన్స్‌ను దక్కించుకోవాలి అంటే ప్రొడక్షన్‌ కంట్రోల్‌ వారిని లేదా సహాయ దర్శకుడిని మెప్పించాల్సి ఉంటుంది.ఆ సమయంలో తమ పారితోషికంలో కాస్త వాటా అయినా ఇవ్వాల్సి ఉంటుంది.ఇక అమ్మాయిలు తమ మానంతో పాటు ఆర్థికంగా కూడా అంతో ఇంతో సమర్పించుకుంటే తప్ప ఆఫర్లు అనేవి రావు అని గత కొంత కాలంగా సినీ ఇండస్ట్రీలో చర్చ జరుగుతూనే ఉంది.

ఇలాంటి సమయంలో రామ్‌ చరణ్‌ అవినీతి లేదు అంటూ అంత గట్టిగా చెప్పడం హాస్యాస్పదంగా ఉందని కొందరు అంటున్నారు.అన్ని పరిశ్రమల్లో కూడా అవినీతి భారీగా ఉంది, ఈ విషయంలో ఏ పరిశ్రమ కూడా అతీతం కాదు అని ప్రత్యేకంగా చెప్పనక్కర్లేదు.

అయితే అవినీతి అనేది ఒక్కో పరిశ్రమలో ఒక్కో విధంగా ఉంటుంది.సినిమా పరిశ్రమల్లో ఛాన్స్‌లు ఇప్పిస్తామని అవినీతి జరుగుతుంది.మరో పరిశ్రమలో మరో విధంగా అవినీతి అనేది జరుగుతుంది.

ఈ విషయాలు రామ్‌ చరణ్‌కు తెలియకనో లేదా మరేంటో కాని అసలు ఇండస్ట్రీలో అవినీతి అనేది లేదు అంటూ ప్రకటించి ఇప్పుడు వార్తల్లో నిలిచాడు.గత కొంత కాలంగా సినిమా పరిశ్రమపై మీడియాలో వస్తున్న వార్తలు, సినిమా పరిశ్రమ వారి గురించి మీడియా వారు కూస్తున్న కూతల వల్ల రామ్‌ చరణ్‌ పై మాటలు అనాల్సి వచ్చిందని ప్రత్యేకంగా చెప్పనక్కర్లేదు.

నిస్వార్థంతో సినిమా పరిశ్రమ పని చేస్తుంటే, అవినీతి లేకుండా తాము ప్రజలకు వినోదాన్ని అందిస్తుంటే ఎందుకు తమపై ఇలా ఆరోపణలు చేస్తున్నారనేది రామ్‌ చరణ్‌ వాదన, మీరు బతుకుతూ, మమ్ములను కూడా బతకనివ్వండి అంటూ రామ్‌ చరణ్‌ మీడియాకు విజ్ఞప్తి చేయడం జరిగింది.