Rakesh Master Movies: రాకేష్ మాస్టర్ టాలీవుడ్ లో ఆ స్టార్ హీరోల మూవీలకు కొరియోగ్రఫీ చేసారా?

తాజాగా తెలుగు సినిమా ఇండస్ట్రీలో విషాదం చోటుచేసుకుంది.ప్రముఖ డాన్స్ కొరియోగ్రాఫ్ రాకేష్ మాస్టర్( Rakesh Master ) తుదిశ్వాస విడిచారు.

గత కొద్దిరోజులుగా అనారోగ్య సమస్యలతో బాధపడుతున్న ఆయన తాజాగా వైజాగ్ నుంచి వస్తున్న క్రమంలో వడదెబ్బకు గురి కావడంతో ఆయన అనారోగ్యం మరింత క్షీణించింది.దాంతో వెంటనే ఆయనను గాంధీ ఆసుపత్రికి తరలించగా అక్కడ చికిత్స పొందుతూ తుదిశ్వాస విడిచారు.

ఆయన మరణవార్తను ఆయన అభిమానులు నెటిజన్స్ జీర్ణించుకోలేకపోతున్నారు.ఇప్పటికీ ఆయన మరణం షాకింగ్ గానే ఉందని చెప్పవచ్చు.

రాకేష్ మాస్టర్ మరణించిన సందర్భంగా ఆయన జ్ఞాపకాలను అభిమానులను గుర్తు చేసుకుంటున్నారు.ఇక సెలబ్రిటీలు ఆయనతో గడిపిన క్షణాలను గుర్తు చేసుకుంటూ సోషల్ మీడియా వేదికగా ఆయనకు సంతాపం వ్యక్తం చేస్తున్నారు.

కాగా చాలామందికి రాకేష్ మాస్టర్ కెరియర్ గురించి అసలు తెలియదు.ఆయన దాదాపు 1500 సినిమాలకు కొరియోగ్రఫీ అందించారు అంటే ఆశ్చర్యం వేయక మానదు.90వ దశకం చివరి నుంచి రాకేష్ మాస్టర్ ఇండస్ట్రీలో కొనసాగుతున్నారు.హీరో మాస్ మహారాజ రవితేజ( Hero Raviteja ) తనని కెరీర్ ఆరంభంలో బాగా ప్రోత్సహించారని రాకేష్ మాస్టర్ ఒక ఇంటర్వ్యూలో చెప్పుకొచ్చారు.