సారీ ఇప్పుడేం చేయలేం ! టీడీపీకి పీకే క్లారిటీ  ? 

గత కొద్దిరోజులుగా ఏపీ రాజకీయాల్లో ప్రముఖ రాజకీయ వ్యవహకర్త ప్రశాంత్ కిషోర్( Prasanth Kishore ) పేరు మారుమోగుతూనే ఉంది.

తెలుగుదేశం పార్టీకి( TDP ) ప్రశాంత్ కిషోర్ రాజకీయ వ్యూహాలు అందించేందుకు స్వచ్ఛందంగా ముందుకు వచ్చారని, ఆయన వ్యూహాలతోనే ముందుకు వెళ్ళబోతున్నామని గెలుపు తమ ఖాతాలో పడబోతుందంటూ టిడిపి, ఆ పార్టీ అనుకూల మీడియా జనాల్లో విస్తృతంగా ప్రచారం చేస్తోంది.

దీంతో 2019 ఎన్నికల్లో వైసీపీ( YCP ) గెలుపునకు కారణమైన ప్రశాంత్ కిషోర్ అకస్మాత్తుగా ప్లేట్ ఫిరాయించడం ఏమిటి ? అసలు ఇందులో వాస్తవం ఏమిటి అనేది జనాల్లో ఆసక్తి పెరిగింది.  ఇటీవల టిడిపి అధినేత చంద్రబాబు( Chandrababu Naidu ) స్కిల్ డెవలప్మెంట్ స్కాం లో అరెస్ట్ కావడం , ఢిల్లీలోనే లోకేష్ ఎక్కువ రోజులు మకాం వేయడంతో , ఆ సమయంలోనే ప్రశాంత్ కిషోర్ లోకేష్ తో చర్చలు జరిపారని , చంద్రబాబు బెయిల్ పై బయటకు వచ్చిన తర్వాత  ఈ ప్రతిపాదనకు చంద్రబాబు అంగీకారం తెలిపారు అనే హడావుడి జరిగింది.