సర్వేల పేరుతో సర్వం మాయ ! జిమ్మిక్కులు ఇవే !

ఈ సర్వే కోసం నాయకులు దాదాపు అయిదు నుంచి పది లక్షల వరకు ఖర్చుపెట్టేందుకు సైతం వెనకాడడం లేదు.తమకు కావాల్సిన పారామీటర్లను ముందుగానే నిర్దేశిస్తున్నారు.బీసీ, ఎస్సీ లు, అగ్రవర్ణాల వారీగా క్లాసిఫైడ్ సర్వేలు, యాధృచ్ఛిక రాండమ్ సర్వేలు, వయో , వృత్తి వర్గాల వారీగా సైతం సర్వే ఫలితాలను తెలుసుకుంటున్నారు.

తమకు ఏయే వర్గాల్లో ఎడ్జ్ కావాలో ముందుగానే చెప్పేస్తున్నారు.దానికి అనుగుణంగానే సర్వే ఫలితాలను ఆయా సంస్థలు అందిస్తున్నాయి.మరికొంతమంది ఈ సర్వే ఫలితాలను అడ్డం పెట్టుకుని నాయకులు పార్టీలను టికెట్ కోసం డిమాండ్ చేస్తుండగా పార్టీలకు కూడా సర్వేలు రక్షణ కవచంగా ఉపయోగపడుతున్నాయి.

ప్రధానమైనపార్టీల తరఫున నియోజకవర్గాల్లో అనేక మంది పోటీ పడుతున్నారు.తమకే టిక్కెట్లు ఇవ్వాలంటూ అధిష్టానాల వద్ద డిమాండ్లు పెడుతున్నారు.

దీనికి పరిష్కారంగా, ప్రత్యామ్నాయంగా పార్టీలు కనిపెట్టిన రక్షణ కవచం సర్వేలు.అభ్యర్థులు గెలుపు అవకాశాలపై సర్వేలు నిర్వహిస్తున్నట్లు పార్టీలు ప్రకటిస్తున్నాయి.

ప్రజల్లో ఎక్కువ ఆదరణ వ్యక్తమైన వారికే టిక్కెట్లు కేటాయిస్తామంటూ పార్టీ నాయకులు చెబుతున్నారు.తమకు కావాల్సిన అభ్యర్థులకు టిక్కెట్లు ఇచ్చేందుకు అడ్డు లేకుండా చూసుకునే ఎత్తుగడ ఈ సర్వేల ద్వారా అమలు చేస్తున్నారు.