మహిళపై పిట్‌బుల్ అటాక్.. హీరోలాగా వచ్చి ఎలా కాపాడాడో చూస్తే.. హ్యాట్సాఫ్ అంటారు..!

సాధారణంగా కుక్కలు మనుషులపై దాడి చేయడం కామన్.అయితే ఇతర జాతుల కుక్కలతో పోలిస్తే పిట్‌బుల్ డాగ్స్ ఎక్కువగా అటాక్ చేస్తుంటాయి.

వీటిని బయటికి వదిలితే చాలు ఎవరో ఒకరి ప్రాణాలు తీసేదాకా నిద్రపోవు.ఇవి మనుషుల మీదే కాదు ఇతర కుక్కల మీద కూడా దాడులు చేసి చంపేస్తాయి.

చిన్నతనం నుంచి చాలా చక్కగా పెంచితే ఇవి యజమానులను ఏమీ చేయవు.అలాగే వాటిని కొత్త ప్రదేశాలకు తీసుకెళ్తూ అందరితో కలిపితే కొద్దిగా సౌమ్యంగా ప్రవర్తిస్తాయి.

కానీ ఒకే ఇంటికి పరిమితం చేసి పెద్దగా ప్రేమ లేకుండా భోజనాలు పెట్టి పెంచితే అవి చాలా అగ్రేసివ్‌గా మారుతాయి.అలాంటివి బయటికి వస్తే బీభత్సం సృష్టిస్తాయి.

తాజాగా ఇలాంటి ఒక పిట్‌బుల్ డాగ్( pitbull dog ) బయటికి వచ్చింది.రోడ్డు మీదకి వచ్చిన దానికి డాగ్ వాకింగ్ చేసుకుంటూ వచ్చిన ఇద్దరు యువతులు కనిపించారు.

వారి చేతిలో రెండు చిన్న కుక్క పిల్లలు ఉన్నాయి.వాటిని చంపేద్దామని ఈ పిట్‌బుల్ డాగ్ దూసుకు రావడం మొదలుపెట్టింది.

ఈ పెద్ద డాగ్‌ను చూసి ఆ ఓనర్స్ వెంటనే అప్రమత్తమై ఆ పిల్ల కుక్కలను పైకి ఎత్తి పట్టుకున్నారు.కానీ వాటిని చంపేందుకు ఆ కుక్క తెగ ప్రయత్నించింది.

చివరికి ఓనర్ కాలు కొరకడం మొదలుపెట్టింది.దాని పదునైన పళ్ళు, బలమైన దవడల వల్ల సదర మహిళా అల్లాడిపోయింది.

కింద పడిపోయి ఏడుస్తూ బాధను వ్యక్తపరిచింది.ఇంకొక యువతి రెండు కుక్క పిల్లలను సురక్షితమైన ప్రాంతానికి తరలించింది.

కానీ మహిళ మాత్రం కుక్క నుంచి విడిపించుకోలేకపోయింది.