మోసం చేయడమే పవన్ బ్రాండ్..: పోతిన మహేశ్

జనసేన పార్టీపై వైసీపీ నేత పోతిన మహేశ్ ( Pothina Mahesh )కీలక వ్యాఖ్యలు చేశారు.

జనసేన పార్టీ అధినేత పవన్ కల్యాణ్ ఆస్తులు బయటపెట్టాలని డిమాండ్ చేశారు.

చంద్రబాబు అరెస్ట్ కావడానికి ముందు పవన్ కల్యాణ్ ఆస్తులు ఎంత? చంద్రబాబుతో ములాఖత్ అయ్యాక పవన్ ఆస్తులు ఎంతో బయటపెట్టాలని పోతిన మహేశ్ తెలిపారు. ఏపీ, తెలంగాణ( AP, Telangana )లో ఎక్కడ ఎన్ని ఆస్తులున్నాయో వివరాలను బహిర్గతం చేయాలన్నారు.

దాంతోపాటుగా ఎలక్టోరల్ బాండ్ల ద్వారా సేకరించిన నిధుల వివరాలను జనసేనకు చెప్పాలని పేర్కొన్నారు.కౌలు రైతులు బలవన్మరణం చేసుకుంటే ఆదుకుంటామన్నారన్న పోతిన మహేశ్ 15 కోట్ల నుంచి 20 కోట్ల వరకు జనసేన కార్యకర్తలు విరాళాలు సేకరించారని తెలిపారు.