పంజాబ్ సరిహద్దుల్లో మరోసారి డ్రగ్స్ కలకలం

పంజాబ్ సరిహద్దుల్లో మరోసారి డ్రగ్స్ కలకలం సృష్టించాయి.పాకిస్థాన్ నుంచి డ్రగ్స్ ను అక్రమంగా తరలిస్తుండగా బీఎస్ఎఫ్ దళాలు అడ్డుకున్నాయి.

ఈ క్రమంలోనే ఫిరోజ్ పూర్ సెక్టార్ లో డ్రగ్స్ ప్యాకెట్లను బీఎస్ఎఫ్ దళాలు స్వాధీనం చేసుకున్నాయి.అయితే అర్ధరాత్రి సమయంలో సేతావాల గ్రామంలో డ్రోన్ ఈ డ్రగ్స్ ప్యాకెట్లను జారవిడిచినట్లు అధికారులు నిర్ధారించారు.

ఈ క్రమంలో మూడు హెరాయిన్ ప్యాకెట్లు, రెండు మెరిసే బంతులు, బ్యాటరీతో కూడిన నీలి రంగు ఎల్ఈడీ బల్బును బీఎస్ఎఫ్ దళాలు స్వాధీనం చేసుకుంది.కాగా మూడు హెరాయిన్ ప్యాకెట్ల బరువు సుమారు రెండున్నర కిలోలుగా గుర్తించారు.