స్పెషల్ సాంగ్స్ కు సై అంటున్న టాలీవుడ్ బ్యూటీలు.. ఆఫర్లతో జాతకం మారుతుందా?

దీపం ఉండగానే ఇల్లు చక్కబెట్టుకోవాలి.ఈ సామెత సినిమా ఇండస్ట్రీలో ఉండే హీరోయిన్లకు బాగా సూట్ అవుతుందని చెప్పాలి.

ఎందుకంటే ఆఫర్లు వచ్చినప్పుడే చేసుకుంటూ పోవడంతో పాటు అంత ఇంతే సంపాదించుకోవాలి.క్రేజ్‌ ఉన్నప్పుడే వరుసగా సినిమాలు చేసి, అటు ప్రేక్షకుల్ని అలరించడంతో పాటు ఇటు బ్యాంక్‌ బ్యాలెన్స్‌ లు పెంచుకోవాలి.

ఇకపోతే ఇటీవల కాలంలో చాలా మంది హీరోయిన్లు ఇండస్ట్రీలో వెలుగొందడం కోసం ఐటెం సాంగ్స్ కి కూడా సై అంటున్నారు.ఇంతకీ ఆ హీరోయిన్ ఎవరో ఇప్పుడు మనం తెలుసుకుందాం.

ప్రత్యేక పాటల్లో నటించే వారికి పారితోషికం కూడా భారీగా ఇస్తుండటంతో స్పెషల్‌ సాంగ్స్‌ లో చేసేందుకు హీరోయిన్లు ఏమాత్రం వెనకడుగు వేయడం లేదు.ప్రస్తుతం పూజా హెగ్డే, శ్రియ, నేహా శెట్టి, కేతికా శర్మ, రెబా మోనికా జాన్, చంద్రికా రవి వంటి హీరోయిన్లు స్పెషల్‌ సాంగ్స్‌ లో నటిస్తున్నారు.

శ్రియా శరణ్‌( Shriya Saran ).ఒకప్పుడు ఎన్నో సినిమాలలో నటించి హీరోయిన్గా మంచి గుర్తింపు తెచ్చుకుంది.ప్రస్తుతం హీరోయిన్‌ గా అవకాశాలు తగ్గడంతో క్యారెక్టర్‌ ఆర్టిస్ట్, స్పెషల్‌ సాంగ్స్‌పై దృష్టి పెట్టారు శ్రియ.

అయితే ప్రత్యేక పాటల్లో చేయడం ఆమెకు కొత్త కాదు.రామ్‌ ని హీరోగా, ఇలియానాని హీరోయిన్‌ గా పరిచయం చేస్తూ వైవీఎస్‌ చౌదరి తెరకెక్కించిన దేవదాసు సినిమాలో తొలిసారి ప్రత్యేక పాటలో చిందేశారు శ్రియ.

ఆ తర్వాత మున్నా, తులసి,పులి, నక్షత్రం లాంటి సినిమాల లోని ఐటమ్ సాంగ్స్ చేసి ప్రేక్షకులను ఎంటర్టైన్ చేసింది.అయితే శ్రియ తాజాగా రెట్రో సినిమాలో( retro movie ) ప్రత్యేక పాటలో సందడి చేయబోతోందట.