హిందీలో 3 సినిమాల డీల్ కు ఓకే చెప్పిన యంగ్ టైగర్ ఎన్టీఆర్.. అసలేమైందంటే?

అందులో భాగంగానే తార‌క్ తో రెండో సినిమా మూడో సినిమాకు సంత‌కం చేయించుకునేందుకు ఆస్కారం ఉంద‌ని గుస‌గుస వినిపిస్తోంది.ఎన్టీఆర్ మరో భారీ ప్రాజెక్ట్ కోసం యష్ రాజ్ ఫిల్మ్స్‌తో చర్చలు జరుపుతున్నట్లు హిందీ సినీ వర్గాలలో టాక్ బ‌లంగా వినిపిస్తోంది.ప్రముఖ బాలీవుడ్ దర్శకుడు తార‌క్ కి స్క్రిప్ట్ వినిపించార‌ని అన్ని పనులు అనుకున్నట్లు జరిగితే ఈ చిత్రం 2025 చివరి నాటికి ప్రారంభ‌మ‌వుతుందని భావిస్తున్నారు.

అయితే దర్శకుడి పేరును మాత్రం ఇంకా రివీల్ చేయ‌లేదు.యష్ రాజ్ ఫిల్మ్స్ ( Yash Raj Films )జూనియర్ ఎన్టీఆర్ కోసం ప్రాజెక్ట్‌ ను సమన్వయం చేస్తోంద‌ని స‌మాచారం.

ఆసక్తికరంగా యష్ రాజ్ ఫిల్మ్స్ మూడు చిత్రాల ఒప్పందం కోసం స్టార్‌ లతో సంతకం చేస్తుంది.ఇలాంటి ఏర్పాటుకు ఎన్టీఆర్ అంగీకరించాడా లేదా అనేది అస్పష్టంగానే ఉంది.

అయితే అతి త్వరలో తన రెండో హిందీ సినిమాకు సైన్ చేసే అవకాశం ఉందట.అయితే ఎన్టీఆర్ ప్రధాన పాత్రలో కొరటాల శివ తెరకెక్కించిన యాక్షన్ చిత్రం దేవర.

ఈ మూవీకి ప్రేక్షకుల నుండి మిశ్రమ స్పందన లభించిన సంగ‌తి తెలిసిందే.ఎన్టీఆర్ అద్భుతమైన స్టార్ పవర్ తో భారీ ఓపెనింగులు సాధ్య‌మైనా కానీ ఈ సినిమాకి క్రిటిక్స్ నుంచి కూడా మిశ్ర‌మ స్పంద‌న‌లే వ్య‌క్త‌మ‌య్యాయి.

కానీ పార్ట్ 1 రిలీజ్ కి ముందే కొర‌టాల శివ ఈ చిత్రానికి సీక్వెల్‌ ను కూడా ప్రకటించాడు.సినిమా విడుదలకు ముందే ఇది రెండు భాగాల ఫ్రాంచైజీ అని వెల్ల‌డించారు.

ఇప్పుడు సీక్వెల్ గురించి కొర‌టాల ఆలోచిస్తున్నారా? లేదా? అన్న‌ది సస్పెన్స్ లో ఉంది.