గల్ఫ్‌లో ఘనంగా మహా శివరాత్రి వేడుకలు.. ఆలయాలకు క్యూకట్టిన ఎన్ఆర్ఐలు

హిందువుల పర్వదినం మహాశివరాత్రిని భారత్‌తో( Mahashivratri with India ) పాటు ప్రపంచవ్యాప్తంగా ఉన్న హిందువులు ఘనంగా జరుపుకున్నారు.

మంగళవారం అర్ధరాత్రి నుంచే ఆలయాలు శివనామ స్మరణతో మారుమోగాయి.

లింగోద్భోవం, జాగరణ, ఉపవాసం, శివపార్వతుల కళ్యాణం వంటి కార్యక్రమాల్లో భక్తులు పాల్గొన్నారు.శివరాత్రి సందర్భంగా దేశంలోని అన్ని శివాలయాలు కిటకిటలాడాయి.

ప్రస్తుతం భారతీయ పండుగలు మనదేశంతో పాటు ప్రపంచవ్యాప్తంగా పలు దేశాల్లోనూ ఒకేసారి జరుపుకుంటున్న సంగతి తెలిసిందే.వృత్తి, ఉద్యోగ, వ్యాపారాల కోసం విదేశాలకు వెళ్తున్న భారతీయులు మన పండుగను ఘనంగా నిర్వహిస్తున్నారు.

విదేశీయులు కూడా మన పర్వదినాల్లో విశేషంగా పాల్గొంటున్నారు.తాజాగా మహాశివరాత్రిని కూడా భారత్‌తో పాటు విదేశాల్లోనూ ఘనంగా నిర్వహించుకున్నారు.

గల్ఫ్ దేశాల్లో ( Gulf countries )స్థిరపడిన ప్రవాస భారతీయులు మహా శివరాత్రిని జరుపుకున్నారు.అబుదాబీలోని బీఏపీఎస్ హిందూ మందిర్‌కు( BAPS Hindu Mandir in Abu Dhabi ) బుధవారం తెల్లవారుజాము నుంచే భక్తులు క్యూకట్టారు.

హరహర మహాదేవ శంభో శంకర నినాదాలతో ఆలయం మారుమోగింది.ఆలయంలో రుద్రాభిషేకం చేయడానికి భక్తులు తెల్లవారుజాము నుంచే తరలిరావడం ప్రారంభించారు.

కొందరు భక్తులు మాత్రం తమ ఇళ్ల వద్దే పూజలు, రుద్రాభిషేకం నిర్వహించారు.