ఊసులో లేని జనసేన!

దశాబ్దాల తరబడి రాజకీయాలలో అనేక దక్కామొక్కీలు తిన్న తెలుగుదేశం లాంటి పార్టీలు తెలంగాణ లో పోటీకిదింపడానికి బయపడుతున్న పరిస్థితుల్లో తమ అభ్యర్థులను తెలంగాణలో పోటీకి నిలపాలని జనసేన అధ్యక్షుడు పవన్ కళ్యాణ్ తీసుకొని నిర్ణయం రాజకీయంగా సరైంది కాదని వస్తున్న ఫలితాలు రుజువు చేస్తున్నాయి.

ముఖ్యంగా 32 స్థానాల్లో పోటీకి నిలబెట్టాలి అనుకున్నా ఆఖరి నిమిషంలో భారత జాతీయ పార్టీ( BJP ) ఎంట్రీతో 8 స్థానాలకు పరిమితమైన జనసేన( Jana sena ) కనీసం 8 స్థానాలలో కూడా ఎక్కడా రెండవ స్థానంలో కూడా నిలబడకపోవడం తెలంగాణ ఓటరు జనసేన పట్ల ఏ విధమైన ఆసక్తి లేదనడానికి రుజువుగా నిలుస్తుంది .

అంతేకాకుండా ఈ ఎన్నికల ఫలితాలు ఆంధ్రప్రదేశ్లో జనసేనకు ఇబ్బందికరంగా మారే వాతావరణాన్ని సృష్టిస్తున్నాయి .రేపటి నుంచి జనసేన విమర్శించాలనుకుంటున్న ప్రతి నాయకుడికి తెలంగాణ ఫలితాలు ఒక సాకుగా కనిపించే అవకాశం కనిపిస్తుంది.