ముఖ్యమంత్రి పదవిపై బాబు అలా- పవన్ ఇలా!

అసలు తెలుగుదేశం జనసేన పొత్తు మొదలైన దగ్గర నుంచి ముఖ్యమంత్రి పదవిపై ఇప్పటిదాకా ఎడతెగని డిబేట్లు జరుగుతూనే ఉన్నాయి ముఖ్యంగా జనసేనతో అధికారాన్ని పంచుకుంటారని తెలుస్తున్నప్పటికీ ముఖ్యమంత్రి పదవిపై మాత్రం ఇప్పటివరకు రెండు పార్టీల నుంచి స్పష్టమైన సంకేతాలు ఏమీ రాలేదు .

నిన్న మొన్నటి వరకు పదవుల కన్నా రాష్ట్ర ప్రయోజనాలే ముఖ్యమని జనసైనికులను ఒప్పించాలని జనసేన అధ్యక్షుడు పవన్ కళ్యాణ్( Pawan Kalyan ) చూసినప్పటికి పార్టీ క్యాడర్లో విస్తరిస్తున్న నిస్తేజాన్ని గమనించిన తర్వాత పవన్ వాయిస్ లో కూడా మార్పు వచ్చింది.

ముఖ్యమంత్రి పదవిపై తాను, చంద్రబాబు( Chandrababu naidu ) కలసి మాట్లాడుకుని చేస్తామని చెప్పడం ద్వారా నర్మగర్భంగా తాను కూడా పదవిలో భాగస్వామ్యం పొందుతానని తన శ్రేణులను పవన్ ఊరడిస్తున్న ధోరణిలో వైజాగ్ సభలో మాట్లాడారు.