కుమారి ఆంటీ విషయంలో రేవంత్ నిర్ణయాన్ని మెచ్చుకుంటున్న నెటిజన్లు.. ఆమె కూడా ఆ విషయాల్లో మారాలంటూ?

గత 24 గంటల్లో సోషల్ మీడియాలో, వెబ్ మీడియాలో, న్యూస్ ఛానెల్స్ లో, ప్రముఖ పత్రికల్లో కుమారి ఆంటీ( Kumari Aunty ) పేరు మారుమ్రోగింది.

ఆమె ఫుడ్ స్టాల్ ను తీసేయాలని పోలీసులు చెప్పడంపై భిన్నాభిప్రాయాలు వ్యక్తమయ్యాయి.

చిరు వ్యాపారి కుమారి ఆంటీ కుటుంబాన్ని ఇబ్బందుల్లోకి నెట్టేలా ఈ నిర్ణయం ఉందని వార్తలు వినిపించాయి.అయితే ఈ ఘటన రేవంత్ రెడ్డి ( Revanth Reddy )దృష్టికి రావడంతో కుమారి ఆంటీకి ఊరట లభించింది.

ఆమె మునుపటిలా వ్యాపారాన్ని నిర్వహించుకునే అవకాశం అయితే ఉంది.అయితే అదే సమయంలో పోలీసులు చెప్పిన సూచనలను సైతం ఆమె పరిగణనలోకి తీసుకుంటే బాగుంటుందని నెటిజన్ల నుంచి అభిప్రాయాలు వ్యక్తమవుతున్నాయి.

ట్రాఫిక్ కు అంతరాయం కాకుండా, వంటకాలు తినడానికి వచ్చిన వాళ్లకు ఇబ్బంది కలగకుండా ఆమె జాగ్రత్తలు తీసుకోవాల్సి ఉంది.