ఇండియా ట్రిప్‌లో కెనడియన్ వ్లాగర్‌కి షాకింగ్ అనుభవాలు.. నెటిజన్లు షాక్!

కెనడాకు( Canada ) చెందిన విలియం రోసీ( William Rossi ) అనే ఓ వ్లాగర్ ఇండియా ట్రిప్ తర్వాత షాకింగ్ కామెంట్స్ చేశాడు.

ఐదు వారాల పాటు ఇండియాలో గడిపిన తర్వాత తన అనుభవాలను సోషల్ మీడియాలో షేర్ చేయడంతో ఒక్కసారిగా దుమారం రేగింది.

మోటివేషనల్ ఇన్‌ఫ్లుయెన్సర్‌గా చెప్పుకునే రోసీ, ఇండియా ట్రిప్ ఊహించని అనుభవాలతో నిండిపోయిందని చెప్పాడు."నేను ఇప్పటివరకు 37 దేశాలు తిరిగాను.

కానీ ఇండియా మాత్రం అన్నింటికంటే షాకింగ్‌గా అనిపించింది.అక్కడ మీరు చూసేవి, వినేవి, వాసన చూసేవి, రుచి చూసేవి, మీరు ఎప్పుడూ ఊహించని విధంగా మిమ్మల్ని ఆలోచింపజేస్తాయి, ఫీల్ అయ్యేలా చేస్తాయి, ప్రవర్తించేలా చేస్తాయి" అంటూ తన పోస్టులో రాసుకొచ్చాడు.

ఇండియాలో ఎప్పటికీ ఉండాలని అనుకోనని రోసీ కుండబద్దలు కొట్టాడు.కానీ ఈ దేశంలో తన ప్రయాణం మాత్రం జీవితానికి సరిపడా పాఠాలు నేర్పిందని చెప్పాడు.

ఇండియా వైవిధ్యమైన సంస్కృతి, బలమైన భావోద్వేగాలు, సెన్సులపై తీవ్ర ప్రభావం చూపే దేశం అంటూ కొన్ని ఫొటోలను కూడా జత చేశాడు.