ఐసీసీ లీగ్ లో యూఏఈకి ఝలక్కిచ్చిన నేపాల్‌!

అవును, ఐసీసీ క్రికెట్‌ వరల్డ్‌కప్‌ లీగ్ టూ 2019-23లో భాగంగా యూఏఈతో జరిగిన వన్డే మ్యాచ్‌లో నేపాల్‌ సంచలన విజయం నమోదు చేసి యూఏఈకి షాకిచ్చిందని చెప్పుకోవాలి.

ఈ లీగ్‌లో భాగంగా జరిగిన చివరి మ్యాచ్‌లో యూఏఈ ఘోరంగా అపజయం పాలైంది.

నేపాల్ నిన్న మ్యాచ్‌లో రెచ్చిపోయి ఏకంగా 177 పరుగుల భారీ తేడాతో విజయ దుందుభి మ్రోగించింది.నేపాల్‌తో పోలిస్తే అన్ని విభాగాల్లో కూడా యూఏఈ కాస్త పటిష్టంగా ఉందనే అందరికీ తెలుసు.

ఇక కీర్తిపూర్‌ వేదికగా జరిగిన ఈ మ్యాచ్‌లో తొలుత బౌలింగ్‌ చేసి నేపాల్‌ను 248 పరుగులకు ఆలౌట్‌ చేసింది యూఏఈ.నేపాల్‌ ఇన్నింగ్స్‌లో కెప్టెన్‌ అయినటువంటి రోహిత్‌ పౌడెల్‌ 77 కొట్టి ప్రత్యర్థుల గుండెల్లో రైళ్లు పరుగెత్తించాడు.

అదే విధంగా భిమ్‌ షార్కీ 29, ఆరిఫ్‌ షేక్‌ 43, దీపేంద్ర సింగ్‌ 34, గుల్సన్‌ ఝా 37 కొట్టి టీమ్ కి బలం చేకూర్చారని చెప్పుకోవచ్చు.ఇక యూఏఈ బౌలర్ల విషయానికొస్తే ఆఫ్జల్‌ ఖాన్‌ అదరగొట్టాడని చెప్పుకోవచ్చు.

ఇతని బౌలింగ్లో కేవలం 47 రన్స్ కి గాను 2 వికెట్లు పడగొట్టడం విశేషం.అదేవిధంగా ఆర్యన్‌ ఖాన్‌(Aryan Khan) (1/28), జునైద్‌ సిద్దిఖీ(Junaid Siddiqui) (1/49), ముస్తఫా(Mustafa) (2/61), జహూర్‌ ఖాన్‌(Zahoor Khan) (2/35), జవార్‌ ఫరీద్‌ (2/9) వికెట్లు పడగొట్టారు.