Vishwak Sen: ఈ ఆటిట్యూడ్ మార్చుకోకపోతే ఇక కష్టం విశ్వక్ బాసు..!

దాస్ కా ధమ్కి( Das Ka Dhamki ) ఈ సినిమా ఈరోజు థియేటర్లలో విడుదల అయింది.

సినిమా విడుదలకు ముందే కాస్త హైప్ పెంచే ప్రయత్నాలు చేయడంలో విశ్వక్ సేన్( Vishwak Sen ) తర్వాతే ఎవరైనా.

గతంలో ఆయన చేసిన పిచ్చి ప్రయోగాల గురించి కొత్తగా చెప్పాల్సిన అవసరం లేదు.ఒక సినిమాను ఎలా కొత్తగా మార్కెట్ చేయడం అనేది తన మొదటి సినిమా నుంచే నేర్చుకున్న విశ్వక్ సేన్ ఇప్పుడు కూడా తనదైన రీతిలో ప్రయోగాలు చేసుకుంటూ వెళుతున్నాడు.

ఇక తన సొంత ప్రొడక్షన్ లో తానే దర్శకుడిగా, హీరోగా, నిర్మాతగా కూడా వ్యవహరిస్తూ అన్ని బాధ్యతలను తన భుజాలపై మోస్తూ దాస్ కా ధమ్కి అనే ఓ సినిమాను తీశాడు.ఈ సినిమా మొదటి షో నుంచే భిన్నమైన టాక్ వస్తోంది.

అనేక సినిమాల కలయిక గా లేదా కిచిడీగా వచ్చిన ఈ సినిమాను ప్రేక్షకులు ఎలా ఆదరిస్తారు అనే సంగతి పక్కన పెడితే విశ్వక్ కీ మాత్రం ఈ సినిమా అంతా వర్కౌట్ అయ్యే కాన్సెప్ట్ కాదని చెప్పక తప్పదు.కిలాడి మరియు ధమాకా సినిమాలను కలిపితే వచ్చిందే దాస్ కా ధమ్కి చిత్రం.

ఇక ఈ మాత్రం సినిమాకి తన తండ్రి కరాటే రాజు పేరు వాడుతూ చాలా హడావిడి చేసి కష్టపడి సినిమా తీసినట్టుగా చెప్పుకుంటున్నాడు విశ్వక్ మరి జనాల చేత మార్కులు వేయించుకోవడంలో విఫలమవుతున్న విశ్వక్ కి ఆటిట్యూడ్ లో మాత్రం ఎలాంటి ఢోకా లేదు.