అలాంటి సినిమాలు చూడాలంటే నాకు భయం .. నాగ్ సంచలన వ్యాఖ్యలు వైరల్!

టాలీవుడ్ సీనియర్ హీరోలలో ఒకరైన నాగార్జునకు( Nagarjuna ) ప్రేక్షకుల్లో ఊహించని స్థాయిలో క్రేజ్ ఉండగా ఈ మధ్య కాలంలో అదృష్టం కలిసిరాకపోవడంతో నాగార్జున సినిమాలేవీ బాక్సాఫీస్ వద్ద ఆశించిన స్థాయిలో సక్సెస్ సాధించడం లేదు.

అయితే సరైన పాత్ర దొరికితే మాత్రం నాగ్ సక్సెస్ సాధించడం, మళ్లీ సక్సెస్ ట్రాక్ లోకి రావడం కష్టమైతే కాదని సోషల్ మీడియాలో కామెంట్లు వ్యక్తమవుతున్నాయి.

ఇతర హీరోల సినిమాలను తన వంతుగా ప్రమోట్ చేసే విషయంలో సైతం నాగార్జున ముందువరసలో ఉంటారనే సంగతి తెలిసిందే.మహేష్ భట్ సమర్పణలో రూపొందిన 1920 హార్రర్స్ ఆఫ్ ది హార్ట్ సినిమాకు కృష్ణ భట్ దర్శకత్వం వహించగా జూన్ నెల 23వ తేదీన తెలుగు రాష్ట్రాల్లోని థియేటర్లలో ఈ సినిమా విడుదల కానుంది.

నాగార్జున చేతుల మీదుగా ఈ సినిమా ట్రైలర్ రిలీజ్ కావడం గమనార్హం.