విలీనమా పొత్తా ? షర్మిల ఏం చేయబోతున్నారో ? 

 కర్ణాటక కాంగ్రెస్ అధ్యక్షుడు డీకే శివకుమార్ ( DK Shivakumar )కుటుంబంతో షర్మిల కుటుంబానికి స్నేహం ఉండడంతో,  షర్మిల కాంగ్రెస్ తో పొత్తు కోసం శివకుమార్ ద్వారా ప్రయత్నాలు చేస్తున్నారు.అయితే ఈ ప్రతిపాదనను తెలంగాణ కాంగ్రెస్ అధ్యక్షుడు రేవంత్ రెడ్డి తీవ్రంగా వ్యతిరేకిస్తున్నారు  షర్మిల పార్టీతో పొత్తు పెట్టుకునే కంటే ఆ పార్టీని కాంగ్రెస్ లో విలీనం చేయడం వల్ల ఎక్కువ ప్రయోజనం ఉంటుందనే వాదనను ఆయన తెరమీదకు తీసుకొస్తున్నారు.బీ ఆర్ ఎస్ ను ఎదుర్కోలేకే ఆంధ్ర మూలాలు ఉన్న షర్మిల పార్టీతో కాంగ్రెస్ పొత్తు పెట్టుకుందని,  బీఆర్ఎస్ విమర్శలు చేసే అవకాశం  ఉండడంతో,  ఆ అవకాశం ఇవ్వకుండా వైఎస్సార్  తెలంగాణ పార్టీని కాంగ్రెస్ లో విలీనం చేసుకుంటే మంచిదనే వాదనను అధిష్టానం పెద్దల వద్ద రేవంత్ రెడ్డి ప్రస్తావించారట.

రేవంత్ రెడ్డి వాదనను కాంగ్రెస్ అగ్ర నాయకుల సైతం అంగీకరించినట్లు సమాచారం.తమ కుటుంబానికి అత్యంత సన్నిహితుడుగా గుర్తింపు పొందిన భువనగిరి కాంగ్రెస్ ఎంపీ కోమటిరెడ్డి వెంకటరెడ్డి ద్వారా పొత్తు ప్రతిపాదనలు కాంగ్రెస్ అధిష్టానానికి పంపిస్తోందట.

ఇటీవల డీకే శివకుమార్ తో కోమటిరెడ్డి వెంకటరెడ్డి భేటీ కావడానికి కారణం కూడా ఇదేనట.అయితే ప్రస్తుతం కాంగ్రెస్ తో పొత్తు పెట్టుకోవడమా లేక విలీనం చేయడమా అనే విషయంలో షర్మిల కూడా సందిగ్ధం లో ఉన్నట్లు సమాచారం.

వైఎస్సార్ తెలంగాణ పార్టీ( YSRTP )ని కాంగ్రెస్ లో విలీనం చేసుకుని,  తెలంగాణ ఎన్నికలు ముగిసిన తరువాత ఏపీ కాంగ్రెస్ అధ్యక్షురాలుగా ఆమెను ప్రకటిస్తే ప్రయోజనం ఉంటుందనే ప్రతిపాదనను రేవంత్ తెరపైకి తెస్తున్నారట.