ఎన్ఆర్ఐ భర్తల వేధింపులు.. ఐదేళ్లలో ఎన్ని ఫిర్యాదులంటే?

నిత్యం పత్రికలు, టీవీలలో ఎన్ఆర్ఐ అల్లుళ్ల బాగోతాలు బయటికి వస్తున్నా ఆడపిల్లలు, వారి తల్లిదండ్రులకు ఎన్ఆర్ఐ( NRI ) సంబంధాలపై మోజు తగ్గడం లేదు.

గడిచిన ఐదేళ్లలో విదేశాలలో తమ జీవిత భాగస్వాములు( Life Partners ) తమను విడిచిపెట్టారని ఆరోపిస్తూ ఎన్ఆర్ఐ మహిళల నుంచి దాదాపు 1617 ఫిర్యాదులు వచ్చినట్లు గురువారం భారత ప్రభుత్వం పార్లమెంట్‌కు తెలియజేసింది.

రాజ్యసభలో ఒక ప్రశ్నకు కేంద్ర విదేశాంగ శాఖ సహాయ మంత్రి కీర్తి వర్ధన్ సింగ్( Union Minister Kirti Vardhan Singh ) లిఖితపూర్వకంగా సమాధానం ఇచ్చారు.విదేశాలలో నివసిస్తున్న వివాహిత ఎన్ఆర్ఐ మహిళలు( Married NRI Women ) ఎదుర్కొంటున్న గృహ హింస, వేధింపులు, ఇతర వైవాహిక వివాదాల సమస్యను పరిష్కరించడానికి ప్రభుత్వం అనేక చర్యలు తీసుకుంటుందని కేంద్ర మంత్రి అన్నారు.