తిరుమల ప్రసాదంలో కల్తీ నన్ను ఎంతో బాధించింది.. మనోజ్ కామెంట్స్ వైరల్!

తిరుమల లడ్డూ కల్తీ వివాదం దేశవ్యాప్తంగా ఒకింత సంచలనం కాగా తిరుమల లడ్డూ ప్రసాదంలో( Tirumala Laddu Prasadam ) కల్తీ జరిగిందనే ఆరోపణలు సోషల్ మీడియా వేదికగా హాట్ టాపిక్ అవుతున్నాయి.

తాజాగా ఈ ఘటన గురించి మంచు మనోజ్( Manchu Manoj ) సైతం రియాక్ట్ అవుతూ కామెంట్లు చేశారు.

లక్షల సంఖ్యలో భక్తుల విశ్వాసాన్ని దెబ్బ తీస్తూ పవిత్రమైన తిరుమల శ్రీవారి లడ్డూలో జంతువుల కొవ్వును వాడారని తెలిసి ఎంతో కలత చెందానని మనోజ్ తెలిపారు.ఇది కేవలం తప్పు మాత్రమే కాదని భక్తుల మనోభావాలను అవమానించడం అని మనోజ్ పేర్కొన్నారు.

ఈ తరుణంలో అన్ని పార్టీలు ఏకతాటిపైకి రావాలని మనోజ్ అన్నారు.బాధ్యులను గుర్తించి వారిపై తగిన చర్యలు తీసుకోవాలని మనోజ్ చెప్పుకొచ్చారు.

సంస్కృతి, మతపరమైన విలువలను గౌరవించాలని మనోజ్ అన్నారు.సంప్రదాయాలను ఉల్లంఘిస్తే సహించబోమని చెప్పడానికి ఇది ఉదాహరణ అని మనోజ్ పేర్కొన్నారు.