iPhones Stealing : వీడియో: అయ్యా, బాబోయ్.. పట్టపగలే 40 ఫోన్లు స్టోర్ నుంచి కొట్టేసిన దొంగ..

ఈ రోజుల్లో దొంగలు యాపిల్ స్టోర్లపై( Apple Store) ఎక్కువగా దొంగతనాలకు పాల్పడుతున్నారు.

ఈ కారణంగా ఇటీవల కాలంలో యాపిల్ ఉత్పత్తులు లేదా సేవల కంటే దొంగతనాల కారణంగానే ఎక్కువగా వార్తల్లో నిలుస్తోంది.

తాజాగా ఒక యాపిల్ స్టోర్‌లో పడి 40 ఐఫోన్లను కొట్టేసిన దొంగ వీడియో సోషల్ మీడియాలో వైరల్ గా మారింది.ప్రముఖ యాప్ టిక్‌టాక్‌లో ఈ వీడియో మొదట పోస్ట్ అయింది.

సాధారణంగా కస్టమర్లు ప్రయత్నించడానికి టేబుల్‌ల మీద యాపిల్ ఐఫోన్లను యాపిల్ స్టోర్‌లో డిస్‌ప్లేకి పెడతారు.అయితే వీటినే ఈ కేటుగాడు చోరీ చేసినట్లు వీడియోలో కనిపించింది.

ఈ వ్యక్తి త్వర త్వరగా ఐఫోన్లను( iPhones ) లాగేసుకుంటూ తన జేబుల్లో కుక్కుకుంటూ మొత్తం 40 దాకా ఐఫోన్లను తీసేసుకున్నాడు అనంతరం దుకాణం నుండి బయటకు పరుగెత్తాడు.