అంగరంగ వైభవంగా జరిగిన మల్లన్న బోనాల జాతర.. 60 వేల బోనాలను..

జగిత్యాల జిల్లా మెట్‌పల్లి మండలం పెద్దాపూర్ గ్రామంలో ఆదివారం బోనాల జాతర ఎంతో ఘనంగా జరిగింది.

అతి పెద్ద జాతరగా పేరు ఉన్న పెద్దాపూర్ మల్లన్న(Peddapur Mallanna)కు దాదాపు 60 వేలకు పైగా బోనాలను భక్తులు సమర్పించారు.

ఉపవాస దీక్షలతో వండిన బోనాలను నెత్తిన పెట్టుకొని మల్లన్న దేవాలయం(Mallanna Temple) చుట్టూ ప్రదక్షిణలు చేసి స్వామి వారికి నైవేద్యం సమర్పించారు.ముఖ్యంగా చెప్పాలంటే భక్తులు బెల్లం, గొర్రె పిల్లలను కానుకగా సమర్పించి మొక్కులు చెల్లించుకున్నారు.

ఇంకా చెప్పాలంటే ఈ సందర్భంగా శివసత్తుల పూనకాలు, పోతరాజుల విన్యాసాలు, కళాకారులను నృత్యాలు భక్తులను ఎంతగానో ఆకట్టుకున్నాయి.ఆ తర్వాత మల్లన్న స్వామి రథోత్సవాన్ని భక్తుల హర్షధ్వానాల మధ్య కన్నుల పండుగ నిర్వహించారు.

జడ్పీ అధ్యక్షురాలు దావ వసంత(Dava vasanta),కోరుట్ల ఎమ్మెల్యే టిఆర్ఎస్ జగిత్యాల జిల్లా అధ్యక్షుడు కల్వకుంట్ల విద్యాసాగర్ రావు(Kalvakuntla Vidyasagar Rao), టిఆర్ఎస్ రాష్ట్ర నాయకులు నేత కల్వకుంట్ల సంజయ్(Kalvakuntla Sanjay) తదితరులు స్వామి వారిని దర్శించుకున్నారు.ఈ కార్యక్రమంలో ఎటువంటి అవాంఛనీయ సంఘటనలు జరగకుండా పోలీసులు కట్టుదిట్టమైన భద్రతను ఏర్పాటు చేశారు.