టీపిసిసి అధ్యక్షుడిగా మహేష్ కుమార్ గౌడ్ ?

గత కొద్ది రోజులుగా తెలంగాణ కాంగ్రెస్ కు కొత్త అధ్యక్షుడిని నియమించేందుకు కసరత్తు జరుగుతుంది.

ఇప్పటికే ప్రస్తుత తెలంగాణ కాంగ్రెస్ అధ్యక్షుడు , సీఎం రేవంత్ రెడ్డి ( CM Revanth Reddy )ఢిల్లీకి వెళ్లి అధిష్టానం పెద్దలతో ఈ విషయంపై చర్చించారు.

తాను ముఖ్యమంత్రిగా తెలంగాణ కాంగ్రెస్ అధ్యక్షుడిగా రెండు బాధ్యతలను నిర్వహించడం ఇబ్బందికరంగా ఉందని,  తనను తప్పించి మరొకరికి ఆ అవకాశం ఇవ్వాలని అధిష్టానం పెద్దలకు మొరపెట్టుకున్నారు.అలాగే తెలంగాణ కాంగ్రెస్ అధ్యక్షుడిగా రేవంత్ రెడ్డి బాధ్యతలు స్వీకరించి మూడేళ్లు పూర్తవుతున్న నేపథ్యంలో,  కొత్త అధ్యక్షుడిగా ఎవరిని ఎంపిక చేయాలనే విషయం పైన కాంగ్రెస్ అధిష్టానం దృష్టిపెట్టింది.

రేవంత్ రెడ్డికి అనుకూలంగా ఉండే వారిని పిసిసి చీఫ్ గా నియమిస్తే మంచిదని అధిష్టానం భావిస్తోంది.