ఈ కంపెనీ ఇయర్‌ఫోన్స్ ధర తెలిస్తే నోరెళ్లబెడతారు..

వైర్‌లెస్ ఇయర్‌బడ్స్‌( Wireless Earbuds ) ఈ రోజుల్లో బాగా పాపులర్ అయ్యాయి.వీటి సౌండ్ క్వాలిటీ, పర్ఫామెన్స్ నెక్స్ట్ లెవెల్ లో ఉంటున్నాయి.

ఇక సోనీ, యాపిల్, శామ్‌సంగ్ వంటి ప్రముఖ బ్రాండ్లు ఆకట్టుకునే ఫీచర్లు, డిజైన్లతో మార్కెట్లో అత్యుత్తమ ఇయర్‌బడ్స్‌ను అందిస్తున్నాయి.అయితే, ఇంటర్నెట్‌లో తాజాగా ఒక ఇయర్ బర్డ్స్ పెయిర్ వైరల్ గా మారింది.

ఈ అత్యంత ఆకర్షణీయమైన ఇయర్‌బడ్స్‌ను టెక్ కంపెనీ తయారు చేయలేదు.దీనిని లగ్జరీ ఫ్యాషన్ హౌస్ లూయిస్ విట్టన్( Louis Vuitton ) తయారుచేసింది.

అందువల్ల దాని ధర సామాన్యుడు అందుకోలేని రేంజ్ లో ఉంది.లూయిస్ విట్టన్ హారిజోన్ లైట్ అప్ ఇయర్‌ఫోన్‌లు( Horizon Light Up Earphones ) మార్చి 2023లో ప్రారంభించబడ్డాయి, అయితే అవి ఇటీవల వాటి విపరీతమైన డిజైన్, అధిక ధర ట్యాగ్‌ల కారణంగా పాపులర్ అయ్యాయి.అఫీషియల్ వెబ్‌సైట్ ప్రకారం, ఈ ఇయర్‌బడ్‌ల ధర 1,660 (రూ.1.38 లక్షలు) డాలర్లు. రెడ్, బ్లూ నుంచి వైలెట్ గ్రేడియంట్, గోల్డెన్, బ్లాక్, సిల్వర్ వంటి ఐదు రంగులలో అందుబాటులో ఉన్నాయి.

అవి కొద్దిగా కర్వడ్ షేప్, లైట్ అల్యూమినియం ఫ్రేమ్, బ్రాండ్ సిగ్నేచర్ మోనోగ్రామ్ ఫ్లవర్‌పై బ్లూ పొరను కలిగి ఉంటాయి.