చంద్రబాబుతో లోకేశ్, బ్రాహ్మణి ములాఖత్

రాజమండ్రి సెంట్రల్ జైలులో ఉన్న టీడీపీ అధినేత చంద్రబాబుతో కుటుంబ సభ్యులు ములాఖత్ అయ్యారు.

ఈ మేరకు నారా లోకేశ్, బ్రాహ్మణితో పాటు టీడీపీ నేత సత్యనారాయణ రాజు కూడా చంద్రబాబును కలిశారు.

ములాఖత్ లో భాగంగా తాజా రాజకీయ పరిణామాలతో పాటు న్యాయపరమైన అంశాలపై చంద్రబాబుతో చర్చించనున్నారు.అయితే ఇవాళ టీడీపీ -జనసేన తొలి సమన్వయ కమిటీ సమావేశం జరగనున్న నేపథ్యంలో ములాఖత్ ప్రాధాన్యత సంతరించుకుంది.

దాదాపు 40 నిమిషాల పాటు కొనసాగనున్న ములాఖత్ లో భాగంగా వచ్చే ఎన్నికల్లో గెలుపే లక్ష్యంగా ఏ విధంగా ముందుకు వెళ్లాలనే దానితో పాటు అరెస్టుకు నిరసనగా చేయాల్సిన పోరాటంపై చర్చించే అవకాశం ఉంది.