మధ్యలో ఆగిపోయిన పాలసీలకు గుడ్ న్యూస్ అందించిన ఎల్ఐసీ

తమ పాలసీలను పునరుద్ధరించాలనుకునే వారికి లైఫ్ ఇన్సూరెన్స్ కార్పొరేషన్ ఆఫ్ ఇండియా (ఎల్ఐసీ) బంపరాఫర్ అందించింది.

తమ పాలసీదారులకు తిరిగి కొనసాగించాలనుకునేందుకు ఒక ప్రత్యేక అవకాశాన్ని ప్రకటించింది.

వ్యక్తిగత ల్యాప్స్ అయిన ఎల్ఐసీ పాలసీలను పునరుద్ధరించడానికి బీమా సంస్థ తన కస్టమర్ల కోసం ఒక విలక్షణమైన ప్రత్యేక పునరుద్ధరణ క్యాంపెయిన్‌ను తాజాగా అందుబాటులోకి తీసుకొచ్చింది.ఆగస్టు 17 నుంచి ఇది ప్రారంభమవుతుంది.

అక్టోబర్ 21, 2022 వరకు ఈ ఆఫర్ అందుబాటులో ఉంటుంది.అనుకోని పరిస్థితుల వల్ల ప్రీమియంలు చెల్లించలేకపోయిన, పాలసీ ల్యాప్ అయిన వారికి ఈ ఆఫర్ ఎంతో ఉపయోగపడనుంది.

దీనికి సంబంధించిన ఆసక్తికర విషయాలిలా ఉన్నాయి.లైఫ్ ఇన్సూరెన్స్ చేయించుకుంటే మన కుటుంబ సభ్యులకు భరోసానిస్తుంది.

అందుకే చాలా మంది తమ కుటుంబ సభ్యుల భవిష్యత్తు కోసం ఎల్ఐసీ లైఫ్ ఇన్సూరెన్స్ పాలసీలు కడుతుంటారు.కొన్ని సార్లు అనుకోని కారణాల వల్ల పాలసీలు మధ్యలోనే కొందరు ఆపేస్తుంటారు.

అలాంటి వారికి ఎల్ఐసీ గుడ్ న్యూస్ అందించింది.పాలసీ హోల్డర్‌లకు వారి ల్యాప్ అయిన పాలసీలను పునరుద్ధరించడానికి, వారి కుటుంబ ఆర్థిక ప్రయోజనాలను రక్షించడానికి ఎల్ఐసీ మంచి అవకాశాన్ని అందిస్తోంది.

బీమా ప్రయోజనాలను కొనసాగించడానికి అరుదైన అవకాశాన్ని ఇచ్చింది.