రంగమార్తాండ వారి కోసమేనా.. కమర్షియల్‌ సినిమాగా నిలిచేనా? లేదా?

క్రియేటివ్ దర్శకుడు కృష్ణవంశీ( Krishna vamshi ) నాలుగు సంవత్సరాలు కష్టపడి రూపొందించిన రంగమార్తాండ సినిమా ఈ నెలలోనే ప్రేక్షకుల ముందుకు రాబోతున్న విషయం తెలిసిందే.

ప్రకాష్ రాజ్, రమ్యకృష్ణ ముఖ్య పాత్ర లో నటించిన ఈ సినిమా లో శివాత్మిక రాజశేఖర్‌, రాహుల్ సిప్లిగంజ్, బ్రహ్మానందం ఇంకా ఎంతో మంది ముఖ్య నటీనటులు నటించారు.

మరాఠీ చిత్రం నట సామ్రాట్ కి ఇది రీమేక్ అనే విషయం తెలిసిందే.తెలుగు నేటివిటీ కి తగ్గట్లుగా ఈ సినిమా ని రూపొందించారు.

మెగాస్టార్ చిరంజీవి వాయిస్ ఓవర్‌ ఇవ్వడంతో పాటు ఎంతో మంది ప్రముఖులు ఈ సినిమా కోసం గెస్ట్‌ అప్పియరెన్స్‌ ఇచ్చారు.కనుక ఈ సినిమా తప్పకుండా భారీ విజయాన్ని సొంతం చేసుకుంటుందని ఇండస్ట్రీ వర్గాల వారు అభిప్రాయం వ్యక్తం చేస్తున్నారు.

అయితే ఈ సినిమా కమర్షియల్ సినిమాగా సక్సెస్ అవుతుందా అనే అనుమానాలను కొందరు వ్యక్తం చేస్తున్నారు.కమర్షియల్ సినిమా అన్నట్లుగా కాకుండా క్లాస్ సినిమాలను మాత్రమే ఇష్టపడే వారికి ఈ సినిమా నచ్చుతుందేమో అంటూ కొందరు అనుమానాలు వ్యక్తం చేస్తున్నారు.

ఒకవేళ క్లాస్ సినిమాలను నచ్చే వారికి మాత్రమే ఈ సినిమా నచ్చితే కమర్షియల్ గా కచ్చితంగా సినిమా ఎక్కువ లాభాలను సొంతం చేసుకోక పోవచ్చు అనే అభిప్రాయాన్ని వ్యక్తం చేస్తున్నారు.మొత్తానికి రంగమార్తాండ సినిమా విడుదల తేదీ ప్రకటించిన తర్వాత ఆసక్తికర చర్చ జరుగుతోంది.