జాతీయంగా బారాసకు మిగిలిన ఆప్షన్ అదొక్కటే??

జాతీయ రాజకీయాల్లో శూన్యత ఉన్నదని, దానిని భర్తీ చేసి రాజకీయంగా చక్రం తిప్పాలని గత రెండు సంవత్సరాలుగా బారాస అధినేత కేసీఆర్ బలంగా ప్రయత్నాలు చేస్తున్నారు.

భాజాపాను నిలువురించే శక్తి కాంగ్రెస్కు లేదని, ఆ స్థితి లోకి కాంగ్రెస్ వచ్చే అవకాశం కూడా లేదని భావించిన కేసీఆర్ ,ఈ రెండు పార్టీలతో సమాన దూరం పాటించే పార్టీలను కలుపుకొని జాతీయస్థాయిలో కూటమి ఏర్పరచాలని బలంగా ప్రయత్నించారు .

ఆ దిశగా దాదాపు అన్ని పార్టీలను కలిసిన ఆయన సమాలోచనలు చేశారు .అయితే తాను ఒకటి తెలిస్తే దైవం ఒకటి తలచిందన్నట్లుగా , గ్రాండ్ ఓల్డ్ పార్టీ కాంగ్రెస్ పునర్ వైభవం దిశగా సాగుతూ ఉండటం బారాస రాజకీయ ఆశలకు అవరోధం కలిగించినట్లుగా తెలుస్తుంది.హిమాచల్ ప్రదేశ్, కర్ణాటక అసెంబ్లీ ఎన్నికలలో కాంగ్రెస్ గెలుపు ఐ సి యు లో ఉన్న ఆ పార్టీ భవిష్యత్తుకు ఊపిరి ఊదినట్టుగా తెలుస్తుంది.

కొత్త విజయంతో కొత్త ఉత్సాహంతో కాంగ్రెస్( Congress ) శ్రేణులు వచ్చే ఎన్నికలపై మరింత పట్టుదలగా దూసుకెళ్తున్నారు.అంతేకాకుండా ఇప్పటివరకు కాంగ్రెస్తో దూరం పాటించిన చాలా ప్రతిపక్ష పార్టీలు ఇప్పుడు కాంగ్రెస్ పెద్దన్న పాత్ర పోషించడానికి అంగీకరిస్తున్నాయి .