డీల్ కుదిరింది ! టీడీపీలోకి ముద్రగడ ..? ఆ రెండు టికెట్లు ఖరారు !

అయితే.ప్రస్తుత రాజకీయ పరిస్థితుల నేపథ్యంలో ముద్రగడ టీడీపీలో చేరడం లాంఛనమే అన్నట్టు వార్తలు వినిపిస్తున్నాయి.ఆయనకు ఎంపీ టికెట్ కూడా ఖరారు అయ్యిందని ప్రచారం జరుగుతోంది.

కాపు రిజర్వేషన్ల విషయంలో జగన్ ప్రకటనపై ముద్రగడ మండిపడ్డ సంగతి తెలిసిందే.ఈ నేపథ్యంలో ఆయనను టీడీపీ మచ్చిక చేసుకుందని, ఆయనకు ఎంపీ టికెట్ ఆయన కుమారుడికి ఎమ్మెల్యే టికెట్ ఇచ్చేలా ఒప్పందం కూడా జరిగిపోయినట్టు వార్తలు వినిపిస్తున్నాయి.

అధికారం ఇస్తే ఆరు నెలల్లో కాపులకు రిజర్వేషన్లు అని చంద్రబాబు అప్పట్లో ప్రకటించాడు.అయితే ఐదేళ్లు అవుతున్నా ఇప్పటికీ అది జరగలేదు.

ఇక రిజర్వేషన్లు కావాలన్న కాపులపై టీడీపీ ప్రభుత్వం అణిచివేతకు పాల్పడింది.అదే స్థాయిలో కాపు ఉద్యమకారులు కూడా టీడీపీ పై విరుచుకుపడ్డారు.

మీరు నిజమైన కాపు అయితే టీడీపీకి ఓటు వెయ్యకండి అంటూ పెద్ద ఎత్తున ప్రచారం కూడా జరిగింది.కానీ ఇప్పుడు ముద్రగడ కుటుంబం టీడీపీ వైపు కనుక వెళితే కుల సమీకరణాలు ఎలా ఉండబోతున్నాయి అనేదే ప్రధానంగా అందరిలోనూ ఆసక్తి రేపుతోంది.