మోక్షజ్ఞ ఎంట్రీపై జూనియర్ ఎన్టీఆర్ సంచలన ట్వీట్.. వివాదాలకు చెక్ పెట్టేశారుగా!

యంగ్ టైగర్ జూనియర్ ఎన్టీఆర్, నందమూరి మోక్షజ్ఞ ( Junior NTR, Nandamuri Mokshajna )మధ్య మంచి అనుబంధం ఉందని ఇప్పటికే చాలా సందర్భాల్లో ప్రూవ్ అయిందనే సంగతి తెలిసిందే.

ఏదైనా ఈవెంట్ లో జూనియర్ ఎన్టీఆర్, మోక్షజ్ఞ కలిసి కనిపిస్తే ఈ ఇద్దరికీ సంబంధించిన ఫోటోలు నెట్టింట తెగ వైరల్ అవుతూ ఉంటాయి.

అయితే ఈరోజు మోక్షజ్ఞ పుట్టినరోజు కాగా ప్రశాంత్ వర్మ ( Prashant Verma )డైరెక్షన్ లో మోక్షజ్ఞ ఫస్ట్ మూవీ తెరకెక్కుతున్నట్టు క్లారిటీ వచ్చేసింది.సుధాకర్ చెరుకూరి, నందమూరి తేజస్విని( Sudhakar Cherukuri, Nandamuri Tejaswini ) ఈ సినిమాకు నిర్మాతలు కాగా ప్రశాంత్ వర్మ సినిమాటిక్ యూనివర్స్ లో భాగంగా ఈ సినిమా తెరకెక్కనుంది.

ఈ సినిమాలో బాలయ్య సైతం కీలక పాత్రలో కనిపించనున్నారు.ఈ సినిమాలో జూనియర్ ఎన్టీఆర్ సైతం గెస్ట్ రోల్ లో కనిపిస్తే ఫ్యాన్స్ ఆనందానికి అవధులు ఉండవు.

ప్రశాంత్ వర్మ, బాలయ్య అంగీకరిస్తే గెస్ట్ రోల్ లో కనిపించడానికి ఎన్టీఆర్ వైపు నుంచి అభ్యంతరాలు ఉండవు.మోక్షజ్ఞకు పుట్టినరోజు శుభాకాంక్షలు చెబుతూ జూనియర్ ఎన్టీఆర్ ట్వీట్ చేశారు.

సినీ ప్ర‌పంచంలోకి అడుగుపెడుతున్నందుకు మోక్షజ్ఞకు అభినందనలు అని జీవితంలో కొత్త అధ్యాయాన్ని ప్రారంభిస్తున్న క్ర‌మంలో మోక్షజ్ఞకు అన్ని దైవిక శ‌క్తులతో పాటు తాత‌గారి ఆశీర్వాదంతో ఉంటుందని తారక్ తన ట్వీట్ లో పేర్కొన్నారు.