అభిమానులకు థ్యాంక్స్ చెబుతూ జూనియర్ ఎన్టీఆర్ ఎమోషనల్ పోస్ట్.. ఏం జరిగిందంటే?

దేవర1 ( Devara1 )బాక్సాఫీస్ వద్ద బ్లాక్ బస్టర్ హిట్ గా నిలవడం అభిమానులకు ఎంతో సంతోషాన్ని కలిగించింది.

ఈ సినిమా సక్సెస్ గురించి తారక్ నుంచి ఇప్పటివరకు పూర్తిస్థాయిలో స్పందన రాలేదు.

అయితే సినిమా విడుదలై మూడు వారాలు కావడం, ఇప్పటికే ఈ సినిమా అన్ని ఏరియాలలో బ్రేక్ ఈవెన్ కావడంతో అభిమానులకు థ్యాంక్స్ చెబుతూ జూనియర్ ఎన్టీఆర్( Junior NTR ) ఎమోషనల్ పోస్ట్ పెట్టారు.దేవర మూవీ నా హృదయంలో ఎప్పటికీ ప్రత్యేక స్థానం కలిగి ఉంటుందని ఆయన అన్నారు.

ఈ సినిమాలో నటించిన నా సహ నటులకు హృదయ పూర్వక ధన్యవాదాలు అని తారక్ తెలిపారు.వాళ్లు తమ పాత్రలకు ప్రాణం పోసి కథకు జీవం ఇచ్చారని జూనియర్ ఎన్టీఆర్ తెలిపారు.

కొరటాల శివకు ధన్యవాదాలు అని ఈ కథను సృష్టించిన ఆయన దిశానిర్దేశంతోనే విజయవంతమైందని తారక్ పేర్కొన్నారు.