కికి ఛాలెంజ్ లో అతను చనిపోయాడంటూ పోలీసుల ట్వీట్ చూసి షాక్.! అతని ఫోటో పోలీసులకు ఎలా దొరికిందంటే.?

ఈ మధ్య కాలంలో ఫిట్‌నెస్’ చాలెంజ్, గ్రీన్ ఛాలెంజ్‌లు ఉద్యమంగా మారాయి.ప్రజలలో మార్పు కలిగించేందుకు సవాళ్ళు విసురుతున్నారు.

తాజాగా మరో ఛాలెంజ్ వచ్చింది.అదేమిటంటే… ప్రముఖ సింగర్ డ్రేక్ పాడిన ‘ ఇన్ మై ఫీలింగ్స్’ పాట విపరీతంగా పాపులర్ అవ్వడంతో హాలీవుడ్ నటుడు షిగ్గి ‘కికి ఛాలెంజ్’ పేరుతో ఓ ఛాలెంజ్ విసిరాడు.

దీంతో అంతర్జాతీయ స్థాయి నుంచి సినీ నటులు ,యువత ఈ కిక్ ఛాలెంజ్‌ను స్వీకరిస్తున్నారు.ఈ ఛాలెంజ్ ప్రకారం…‘ కదులుతున్న కారు నుంచి కిందకి దిగి కారు నిదానంగా కదులుతుండగా దానితో పాటు డ్యాన్స్ చేసి మళ్లీ కారులోకి రావడమే’.

ఈ ఛాలెంజ్‌ని పోలీసులు వ్య‌తిరేకిస్తూ, ఎన్ని హెచ్చరికలు జారీ చేసినా ‘కికి చాలెంజ్‌’ స్వీకరించే వారి సంఖ్య రోజురోజుకూ పెరిగిపోతోంది.ముఖ్యంగా సినీ నటులు , క్రీడాకారులు ఈ ఛాలెంజ్ స్వీకరించి అనురించడంతో అసలు తంటాలు మొదలవుతున్నాయి.

అయితే ఈ ఛాలెంజ్‌కు అడ్డుకట్ట వేసే క్రమంలో జైపూర్‌ పోలీసులు చేసిన పని ఇప్పుడు చర్చనీయాంశంగా మారింది.