పరిస్థితి చేయిదాటుతోంది .. జగన్ అలా చేయాల్సిందేనా ? 

రాబోయే రోజుల్లో పార్టీ భవిష్యత్తును దృష్టిలో పెట్టుకుని కీలక నిర్ణయాలు తీసుకోవాల్సి ఉంది .పార్టీని మరింతగా జనాల్లోకి తీసుకువెళ్లడంతో పాటు,  పార్టీ నాయకులు,  కార్యకర్తలలో భరోసా నింపే విధంగా జగన్ వ్యవహరించాల్సి ఉంటుంది.ఎన్నికల్లో ఓటమి పరాభం నుంచి జగన్ చాలా విషయాలు నేర్చుకోవాల్సి ఉంటుంది .ప్రస్తుత కూటమి ప్రభుత్వ వైఫల్యాలను విస్తృతంగా జనాల్లోకి తీసుకువెళ్లడం , గత వైసిపి ప్రభుత్వం లో ప్రజలకు జరిగిన మేలు వంటివన్నీ లెక్కలతో సహా ప్రజలకు అర్థమయ్యేలా తీసుకువెళ్లడం, ముందు ముందు కార్యకర్తలకు ఎక్కువ ప్రాధాన్యం ఉండేలా తాను వ్యవహరించబోతున్నాననే సంకేతాలను జగన్ పంపాల్సి ఉంటుంది.వలసలకు బ్రేక్ పడే విధంగా నియోజకవర్గాల వారీగా సమీక్షలు చేపట్టడంతోపాటు,  పార్టీ వీడలనుకునే  నాయకులను బుజ్జగించడం, ఎప్పటి నుంచో చాలా నియోజకవర్గాల్లో పార్టీ నాయకులు మధ్య ఉన్న గ్రూపు రాజకీయాలను , విభేదాలను పరిష్కరించి అందర్నీ సమన్వయం చేసుకుని వెళ్లేలా జగన్ వ్యవహరిస్తూ ముందుకు వెళ్తేనే ప్రస్తుత పరిస్థితిని కొంతవరకైనా మెరుగుపరుచుకునే అవకాశం ఉంటుంది.