ఆస్ట్రేలియా బీచ్‌కు కొట్టుకొచ్చిన రాకెట్ పార్ట్ ఇండియాదేనా.. ఇస్రో సంచలన ప్రకటన..

ఆస్ట్రేలియాలోని బీచ్‌కి( Australia Beach ) ఓ మిస్టీరియస్ వస్తువు కొట్టుకొచ్చింది.

జులై 15న పశ్చిమ ఆస్ట్రేలియాలోని గ్రీన్ హెడ్‌లోని బీచ్ సమీపంలో ఈ వస్తువు కనిపించింది.

ఇది ఒక రాకెట్ పార్ట్( Rocket Part ) అని తెలుస్తోంది.ఇది భారత అంతరిక్ష పరిశోధనా సంస్థ ఇస్రోకి( ISRO ) చెందిన రాకెట్‌లోని పార్ట్ అయి ఉంటుందని కొందరు భావిస్తున్నారు.

ఇస్రో చీఫ్ ఎస్ సోమనాథ్( ISRO Chief Somanath ) ఈ విషయమై తాజాగా స్పందించారు.ఆస్ట్రేలియాలో డోమ్ ఆకారంలో పడి ఉన్న ఒక రాకెట్ భాగం దొరికినట్లు చెప్పారు.

దానిని విశ్లేషించే వరకు అది ఇండియాదేనా కాదా అనేది కచ్చితంగా చెప్పలేమని పేర్కొన్నారు.బహుశా అది పీఎస్ఎల్‌వీ రాకెట్ పార్ట్ అయి ఉంటుందని అతను అభిప్రాయపడ్డారు.

పీఎస్‌ఎల్‌వీలో కొన్ని భాగాలు ఆస్ట్రేలియా ప్రత్యేక ఎకనామిక్ జోన్ దాటి సముద్రంలో పడిన సందర్భాలు ఉన్నాయని పేర్కొన్నారు.ఆస్ట్రేలియా బీచ్‌లో ప్రత్యక్షమైన ఆ వస్తువు మాత్రం రాకెట్‌లో భాగమే అని క్లారిటీ ఇచ్చారు.

అది చాలా రోజులు సముద్రంలో ఉండి, చివరికి అలల వల్ల బయటికి కొట్టుకొని వచ్చి ఉండొచ్చని పేర్కొన్నారు.కానీ నిర్ధారించడానికి దానిని వ్యక్తిగతంగా చూడాలని తెలిపారు.