ఆ వైసీపీ ఎమ్మెల్యే పార్టీ మారుతున్నారా ?  ఒకటే హడావిడి

గత వైసిపి ప్రభుత్వంలో,  ప్రభుత్వ పథకాలకు పెట్టిన పేర్లను మార్చుతూ పూర్తిగా తన మార్క్ కనిపించే విధంగా చంద్రబాబు ప్రయత్నాలు చేస్తున్నారు.దీంతో పాటు వైసీపీ కీలక నాయకులను తమ పార్టీలు చేర్చుకునే కార్యక్రమానికి శ్రీకారం చుట్టారు.ఇప్పటికే వైసీపీకి చెందిన కొంతమంది ఎమ్మెల్యేలు తమతో టచ్ లో ఉనట్లుగా టిడిపి వర్గాలు లీకులు ఇస్తున్నాయి.

దీనికి తగ్గట్లుగానే కొన్ని వ్యవహారాలు చోటు చేసుకుంటూ ఉండడం తో అనేక అనుమానాలు కలిగిస్తున్నాయి.  ఇటీవల జరిగిన ఎన్నికల్లో వైసీపీ నుంచి గెలిచిన కర్నూలు జిల్లా ఆలూరు ఎమ్మెల్యే విరుపాక్ష (Aaluru mla virupaksha )టీడీపీలో చేరేందుకు సిద్ధమవుతున్నారనే ప్రచారం గత కొద్దిరోజులుగా విస్తృతంగా జరుగుతోంది.

వైసీపీలో ఉండడం వల్ల తమ పనులు జరగవనే అభిప్రాయంతో టీడీపీలో చేరేందుకు విరూపాక్ష సిద్ధమవుతున్నట్లుగా ప్రచారం జరుగుతుంది .