కడప లో షర్మిలకు అంత ఈజీ కాదా ?

ఏపీ కాంగ్రెస్ అధ్యక్షురాలు షర్మిల( Sharmila ) రాబోయే ఎన్నికల్లో అసెంబ్లీకి పోటీ చేస్తారని అంత భావించగా, ఆమె మాత్రం కడప ఎంపీగా పోటీ చేసేందుకే ఎక్కువ ఆసక్తి చూపిస్తున్నారు.

ఇప్పటికే ఈ విషయాన్ని ప్రకటించారు షర్మిల.

ఈ మేరకు కాంగ్రెస్ అధిష్టానం పెద్దలు షర్మిలను కడప నుంచి ఎంపీగా పోటీ చేయాలని సూచించారు.ఈరోజు కాంగ్రెస్ ఏపీ అభ్యర్థుల జాబితా విడుదల కానుంది.

ఈ జాబితాలో అధికారికంగా షర్మిల పేరును కడప ఎంపీ అభ్యర్థిగా ప్రకటించనున్నారు.కడపలో వైసిపి అభ్యర్థిగా ప్రస్తుత సిట్టింగ్ ఎంపీ, తన సోదరుడు వైఎస్ అవినాష్ రెడ్డి( YS Avinash Reddy ) ఉన్నారు.

దీంతో షర్మిల అవినాష్ రెడ్డి పై పోటీ చేసి గెలవాల్సి ఉంది.అయితే కడప లోక్ సభ స్థానం నుంచి కాంగ్రెస్ అభ్యర్థిగా షర్మిల పోటీ చేసి గెలుపొందడం అంత ఆషామాషీ వ్యవహారం కాదనే విషయం స్పష్టం అవుతుంది.

ఆమె.కాంగ్రెస్ నుంచి పోటీ చేయడమే ఆమెకు పెద్ద ఇబ్బందిగా మారబోతోంది.ప్రస్తుతం ఏపీలో కాంగ్రెస్ పరిస్థితి అంతంత మాత్రమే అన్నట్టుగా ఉంది.