స్పీకర్ తమ్మినేని సీతారాం కి ఈసారి టికెట్ దక్కడం కష్టమేనా..?

ఆంధ్ర ప్రదేశ్ శాసన సభకు స్పీకర్ గా వ్యవహరిస్తున్న తమ్మినేని సీతారాం కి( Tammineni Seetaram ) జగన్ ఊహించని షాక్ ఇవ్వబోతున్నాడా ?, ఈసారి ఎన్నికల్లో ఆయనకీ సీట్ దక్కడం అసాధ్యమేనా? అంటే అవుననే అంటున్నారు వైసీపీ శ్రేణులు.2019 ఎన్నికలలో ఆముదాలవలస నుండి పోటీ చేసి అసెంబ్లీ ఎన్నిక అయిన సీతారాం, జగన్ క్యాబినెట్ లో మంత్రి పదవి ని ఆశించాడు.

కానీ జగన్ మాత్రం ఆయనకీ స్పీకర్ పదవి ని అప్పజెప్పి ఈసారికి దీనితో సరిపెట్టుకోమని అన్నాడు.

అసంతృప్తి తోనే జగన్ కి ఎదురు చెప్పలేక స్పీకర్ స్థానం లో కూర్చున్న తమ్మినేని సీతారాం కి 2024 ఎన్నికలలో ఎమ్యెల్యే టికెట్ ఇవ్వడం అసాధ్యం అని తెలుస్తుంది.జగన్ ప్రతీ నియోజకవర్గం లో కూడా సర్వేలు చేయిస్తున్నాడు.

ఈ సర్వేలలో తమ్మినేని సీతారాం ఈసారి గెలవడం అసాధ్యం అని తేలిందట.అందుకే ఆముదాలవలస నియోజకవర్గం కి వైసీపీ తరుపున కొత్త ముఖాన్ని ఎన్నికల్లో నిలబెట్టడానికి ప్రయత్నాలు చేస్తున్నాడట జగన్.